+Airteagal 96 1.

Airteagal 96 1.

Forbróidh an Coimisiún treoirlínte maidir le cur chun feidhme praiticiúil an Rialacháin seo, agus go háirithe maidir leis an méid seo a leanas:

▼M1

(a) 

cur i bhfeidhm na gceanglas agus na n-oibleagáidí dá dtagraítear in Airteagail 8 go 15 agus in Airteagail 25 agus 26;

▼B

(b) 

na cleachtais a bhfuil toirmeasc orthu dá dtagraítear in Airteagal 5;

(c) 

cur chun feidhme praiticiúil na bhforálacha a bhaineann le modhnú substaintiúil;

(d) 

cur chun feidhme praiticiúil na n-oibleagáidí trédhearcachta a leagtar síos in Airteagal 50;

(e) 

faisnéis mhionsonraithe faoin nasc idir an Rialachán seo agus reachtaíocht chomhchuibhithe an Aontais a liostaítear in Iarscríbhinn I, agus le dlí ábhartha eile de chuid an Aontais, lena n-áirítear maidir le comhsheasmhacht a bhforfheidhmithe;

(f) 

cur i bhfeidhm an tsainmhínithe ar chóras intleachta saorga mar a leagtar amach in Airteagal 3, pointe (1);

▼M1

(g) 

cur chun feidhme praiticiúil Airteagal 8(2), Airteagal 9(10) agus Airteagal 17(3) i gcomhréir le prionsabal na comhlántachta agus na comhréireachta, d’fhonn comhsheasmhacht a áirithiú, dúbailt a sheachaint agus ualaí breise a íoslaghdú agus ceanglais an Rialacháin seo agus ceanglais reachtaíocht chomhchuibhithe an Aontais a liostaítear i Roinn A d’Iarscríbhinn I á gcomhlíonadh; foilseofar na treoirlínte sin faoin 1 Lúnasa 2027.

Agus na treoirlínte sin á n-eisiúint ag an gCoimisiún, tabharfaidh sé páirt don Bhord agus tabharfaidh sé aird ar leith ar riachtanais FBManna, lena n-áirítear gnólachtaí nuathionscanta agus FMBanna, agus ar riachtanais údarás poiblí áitiúil agus na n-earnálacha is dóchúla a ndéanfaidh an Rialachán seo difear dóibh.

Sna treoirlínte dá dtagraítear sa chéad fhomhír den mhír seo, tabharfar aird chuí ar an úrscothacht a nglactar léi i gcoitinne maidir leis an intleacht shaorga, ar chaighdeáin chomhchuibhithe ábhartha agus sonraíochtaí comhchoiteanna dá dtagraítear in Airteagail 40 agus 41, nó ar na caighdeáin chomhchuibhithe nó na sonraíochtaí teicniúla sin a leagtar amach de bhun dhlí comhchuibhithe an Aontais.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin