Airteagal 495a 3.

De mhaolú ar Airteagal 133, féadfaidh institiúidí leanúint den ualú riosca céanna ab infheidhme an 8 Iúil 2024 a shannadh ar neamhchosaintí ar chothromas, lena n-áirítear an chuid de na neamhchosaintí nár asbhaineadh ó na cistí dílse i gcomhréir le hAirteagal 471 sa leagan den Airteagal sin is infheidhme an 27 Deireadh Fómhair 2021, d’eintitis ina raibh siad ina scairshealbhóirí an 27 Deireadh Fómhair 2021 ar feadh 6 bliana as a chéile agus a bhfeidhmíonn siad tionchar nó rialú suntasach orthu, nó in éineacht leis an líonra lena mbaineann na hinstitiúidí, de réir bhrí Threoir 2013/34/AE, nó a bhfeidhmíonn siad tionchar nó rialú ar na caighdeáin chuntasaíochta a bhfuil institiúid faoina réir faoi Rialachán (CE) Uimh. 1606/2002, nó a bhfeidhmíonn siad tionchar nó rialú mar thoradh ar ghaolmhaireacht chomhchosúil idir aon duine nádúrtha nó dlítheanach nó aon líonra institiúidí agus gnóthas, nó i gcás ina bhfuil sé d’acmhainn ag institiúid comhalta amháin ar a laghad de chomhlacht bainistíochta an eintitis a cheapadh.