Artikolu 495a 3.

B'deroga mill-Artikolu 133, l-istituzzjonijiet jistgħu jkomplu jassenjaw l-istess piż tar-riskju li kien applikabbli fit-8 ta’ Lulju 2024 għall-iskoperturi ta' ekwità, inkluż il-parti tal-iskoperturi mhux imnaqqsa mill-fondi proprji f'konformità mal-Artikolu 471 fil-verżjoni ta' dak l-Artikolu applikabbli fis-27 ta' Ottubru 2021, għal entitajiet li qatt ma kienu azzjonist fihom fis-27 ta' Ottubru 2021 għal sitt snin konsekuttivi u li fuqhom, jew flimkien man-network tal-istituzzjonijiet li jappartjenu għalih, jeżerċitaw influwenza jew kontroll sinifikanti skont it-tifsira tad-Direttiva 2013/34/UE, jew tal-istandards kontabilistiċi li għalihom istituzzjoni tkun soġġetta skont ir-Regolament (KE) Nru 1606/2002, jew b'riżultat ta' relazzjoni simili bejn kwalunkwe persuna fiżika jew ġuridika jew network ta' istituzzjonijiet u impriża, jew fejn istituzzjoni jkollha l-kapaċità li taħtar mill-inqas membru wieħed tal-korp maniġerjali tal-entità.