+Airteagal 9 Staidreamh
---+Airteagal 9 1
---+Airteagal 9 2
---+Airteagal 9 3
---+Airteagal 9 4
---+Airteagal 9 5
---+Airteagal 9 6

Airteagal 9 Staidreamh

1. Forbhreathnú

,
Airteagal 9 1

1.   Coinneoidh na Ballstáit staidreamh cuimsitheach ar bun maidir le hábhair atá ábhartha i ndáil le héifeachtacht a gcreataí AML/CFT chun athbhreithniú a dhéanamh ar éifeachtacht na gcreataí sin.
Airteagal 9 2

2.   Áireofar an méid seo a leanas sa staidreamh dá dtagraítear i mír 1 den Airteagal seo:

(a)

sonraí lena dtomhaistear méid agus tábhacht na n-earnálacha éagsúla a thagann laistigh de raon feidhme na Treorach seo, lena n-áirítear líon na ndaoine nádúrtha agus dlítheanacha agus tábhacht eacnamaíoch gach earnála;

(b)

sonraí lena ndéantar céimeanna tuairiscithe, imscrúdaithe agus breithiúnacha an chórais AML/CFT náisiúnta a thomhas, lena n-áirítear líon na dtuairiscí ar idirbhearta amhrasacha a thugtar don FIU, an obair leantach ar na tuairiscí sin, an fhaisnéis maidir le haistrithe fisiceacha airgid thirim arna gcur faoi bhráid FIU i gcomhréir le hAirteagal 9 de Rialachán (AE) 2018/1672 mar aon leis an obair leantach a dhéantar ar an bhfaisnéis arna tabhairt agus, ar bhonn bliantúil, líon na gcásanna a imscrúdaítear, líon na ndaoine a ionchúisítear, líon na ndaoine a chiontaítear i gcionta sciúrtha airgid nó maoinithe sceimhlitheoireachta, na cineálacha cionta preideacáide arna sainaithint i gcomhréir le hAirteagal 2 de Threoir (AE) 2018/1673 ó Pharlaimint na hEorpa agus ón gComhairle (38), i gcás ina mbeidh faisnéis den sórt sin ar fáil, agus luach na maoine, arna leagan amach in euro, a rinneadh a reo, a urghabháil nó a choigistiú;

(c)

líon agus céatadán na dtuairiscí ar idirbhearta amhrasacha a rinneadh a scaipeadh chuig údaráis inniúla eile agus, má tá fáil orthu, líon agus céatadán na dtuairiscí a ndearnadh imscrúdú breise mar thoradh orthu, mar aon leis an tuarascáil bhliantúil arna tarraingt suas ag na FIUnna de bhun Airteagal 27;

(d)

sonraí maidir le líon na n-iarrataí trasteorann ar fhaisnéis a rinne, a fuair agus a dhiúltaigh an FIU agus a d’fhreagair sé go páirteach nó go hiomlán, arna miondealú de réir thír an chontrapháirtí;

(e)

líon na n-iarrataí ar chúnamh dlíthiúil frithpháirteach nó na n-iarrataí idirnáisiúnta eile ar fhaisnéis maidir le húinéireacht thairbhiúil agus faisnéis maidir le cuntais bhainc dá dtagraítear i gCaibidil IV de Rialachán (AE) 2024/1624 agus i Ranna 1 agus 2 de Chaibidil II den Treoir seo a fuarthas ó chontrapháirtithe lasmuigh den Aontas nó a cuireadh chuig na contrapháirtithe sin, arna miondealú de réir údarás inniúil agus tír an chontrapháirtí;

(f)

na hacmhainní daonna arna leithdháileadh ar na maoirseoirí chomh maith le hacmhainní daonna arna leithdháileadh ar an FIU chun na cúraimí a shonraítear in Airteagal 19 a dhéanamh;

(g)

líon na ngníomhaíochtaí maoirseachta ar an láthair agus lasmuigh den láthair, líon na sáruithe a sainaithníodh ar bhonn gníomhaíochtaí maoirseachta agus smachtbhannaí airgid agus íocaíochtaí pionósacha tréimhsiúla a forchuireadh nó bearta riaracháin a chuir na húdaráis mhaoirseachta agus na comhlachtaí féinrialála i bhfeidhm de bhun Roinn 4 de Chaibidil IV;

(h)

líon agus cineál na sáruithe arna sainaithint i ndáil le hoibleagáidí Chaibidil IV de Rialachán (AE) 2024/1624 agus smachtbhannaí airgid a forchuireadh nó bearta riaracháin a cuireadh i bhfeidhm maidir leis na sáruithe sin, líon na neamhréireachtaí a tuairiscíodh don chlár lárnach dá dtagraítear in Airteagal 10 den Treoir seo, chomh maith le líon na seiceálacha a rinne an t-eintiteas atá i gceannas ar an gclár lárnach nó a rinneadh thar a cheann de bhun Airteagal 10(11) den Treoir seo;

(i)

an fhaisnéis seo a leanas maidir le cur chun feidhme Airteagal 12:

(i)

líon na n-iarrataí ar rochtain ar fhaisnéis maidir le húinéireacht thairbhiúil i gcláir lárnacha ar bhonn na gcatagóirí a leagtar síos in Airteagal 12(2);

(ii)

céatadán na n-iarrataí ar rochtain ar fhaisnéis a diúltaíodh faoi gach catagóir a leagtar síos in Airteagal 12(2);

(iii)

achoimre ar na catagóirí daoine ar deonaíodh rochtain ar fhaisnéis maidir le húinéireacht thairbhiúil dóibh faoi Airteagal 12(2), an dara fomhír;

(j)

líon na gcuardach ar chláir cuntas bainc nó ar shásraí aisghabhála sonraí arna ndéanamh ag údaráis inniúla, arna miondealú de réir chatagóir an údaráis inniúil, agus líon na gcuardach a rinne FIUnna agus na húdaráis maoirseachta ar idirnascadh na gclár cuntas bainc;

(k)

na sonraí seo a leanas maidir le smachtbhannaí airgeadais spriocdhírithe a chur chun feidhme:

(i)

luach na gcistí nó na sócmhainní eile a reodh, arna mhiondealú de réir cineáil;

(ii)

na hacmhainní daonna arna leithdháileadh ar údaráis atá inniúil chun smachtbhannaí airgeadais spriocdhírithe a chur chun feidhme agus a fhorfheidhmiú.
Airteagal 9 3

3.   Áiritheoidh na Ballstáit go mbaileofar agus go dtarchuirfear an staidreamh dá dtagraítear i mír 2 chuig an gCoimisiún ar bhonn bliantúil. Déanfar an staidreamh dá dtagraítear i mír 2, pointí (a), (c), (d) agus (f), a tharchur chuig AMLA freisin.

Déanfaidh AMLA an staidreamh sin a stóráil ina bhunachar sonraí i gcomhréir le hAirteagal 11 de Rialachán (AE) 2024/1620.
Airteagal 9 4

4.   Faoin 10 Iúil 2029, glacfaidh AMLA tuairim arna seoladh chuig an gCoimisiún maidir leis an modheolaíocht chun an staidreamh dá dtagraítear i mír 2, pointí (a), (c), (d) agus (f) agus (g) a bhailiú.
Airteagal 9 5

5.   Féadfaidh an Coimisiún, trí bhíthin gníomhartha cur chun feidhme, an mhodheolaíocht chun an staidreamh dá dtagraítear i mír 2 den Airteagal seo a bhailiú agus na socruithe chun iad a tharchur chuig an gCoimisiún agus chuig AMLA a leagan síos. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 72(2).
Airteagal 9 6

6.   Faoin 10 Iúil 2030 agus gach dhá bhliain ina dhiaidh sin, foilseoidh an Coimisiún tuarascáil ina mbeidh achoimre agus míniú ar an staidreamh dá dtagraítear i mír 2, agus cuirfear ar fáil ar a shuíomh gréasáin í.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin