Airteagal 2 Sainmhínithe

ciallaíonn ‘réiteach’ uirlis réitigh nó uirlis dá dtagraítear in Airteagal 26(7) a chur i bhfeidhm chun ceann amháin nó níos mó de na cuspóirí réitigh dá dtagraítear in Airteagal 18(2) a bhaint amach;

ciallaíonn ‘gnóthas árachais’ gnóthas árachais mar a shainmhínítear in Airteagal 13, pointe (1), de Threoir 2009/138/CE;

ciallaíonn ‘gnóthas athárachais’ gnóthas athárachais mar a shainmhínítear in Airteagal 13, pointe (4), de Threoir 2009/138/CE;

ciallaíonn ‘cuideachta sealbhaíochta árachais’ cuideachta sealbhaíochta árachais mar a shainmhínítear in Airteagal 212(1), pointe (f), de Threoir 2009/138/CE;

ciallaíonn ‘cuideachta sealbhaíochta airgeadais mheasctha’ cuideachta sealbhaíochta airgeadais mheasctha mar a shainmhínítear í in Airteagal 2, pointe (15), de Threoir 2002/87/CE;

ciallaíonn ‘máthairchuideachta sealbhaíochta árachais i mBallstát’ cuideachta sealbhaíochta árachais atá bunaithe i mBallstát agus nach foghnóthas í de ghnóthas árachais nó athárachais, de chuideachta sealbhaíochta árachais ná de chuideachta sealbhaíochta airgeadais mheasctha atá údaraithe nó curtha ar bun sa Bhallstát céanna;

ciallaíonn ‘máthairchuideachta sealbhaíochta árachais de chuid an Aontais’ máthairchuideachta sealbhaíochta árachais i mBallstát nach foghnóthas í de ghnóthas árachais nó athárachais, de chuideachta eile sealbhaíochta árachais ná de chuideachta sealbhaíochta airgeadais mheasctha atá údaraithe nó curtha ar bun in aon Bhallstát;

ciallaíonn ‘máthairchuideachta sealbhaíochta airgeadais mheasctha i mBallstát’ cuideachta sealbhaíochta airgeadais mheasctha atá bunaithe i mBallstát agus nach foghnóthas í de ghnóthas árachais nó athárachais, de chuideachta sealbhaíochta árachais nó de chuideachta sealbhaíochta airgeadais mheasctha atá údaraithe nó curtha ar bun sa Bhallstát céanna sin;

ciallaíonn ‘máthairchuideachta sealbhaíochta airgeadais mheasctha de chuid an Aontais’ máthairchuideachta sealbhaíochta airgeadais mheasctha i mBallstát nach foghnóthas í de ghnóthas atá údaraithe in aon Bhallstát ná de chuideachta eile sealbhaíochta árachais ná de chuideachta sealbhaíochta airgeadais mheasctha atá curtha ar bun in aon Bhallstát;

ciallaíonn ‘grúpa’ grúpa mar a shainmhínítear in Airteagal 212(1), pointe (c), de Threoir 2009/138/CE;

ciallaíonn ‘cuspóirí réitigh’ na cuspóirí réitigh dá dtagraítear in Airteagal 18(2);

ciallaíonn ‘údarás réitigh’ údarás arna ainmniú ag Ballstát i gcomhréir le hAirteagal 3;

ciallaíonn ‘údarás maoirseachta’ údarás maoirseachta mar a shainmhínítear in Airteagal 13, pointe (10), de Threoir 2009/138/CE;

ciallaíonn ‘uirlis réitigh’ uirlis réitigh dá dtagraítear in Airteagal 26(3);

ciallaíonn ‘cumhacht réitigh’ cumhacht dá dtagraítear in Airteagail 42 go 54;

ciallaíonn ‘aireachtaí inniúla’ aireachtaí airgeadais nó aireachtaí eile de chuid na mBallstát atá freagrach as cinntí eacnamaíocha, airgeadais agus buiséadacha ar an leibhéal náisiúnta de réir inniúlachtaí náisiúnta agus atá ainmnithe i gcomhréir le hAirteagal 3(7);

ciallaíonn ‘bainistíocht shinsearach’ an duine nó na daoine arb é nó iad, go héifeachtach, a reáchtálann an gnóthas agus atá freagrach as bainistiú laethúil an ghnóthais, agus atá cuntasach don chomhlacht riaracháin, bainistíochta nó maoirseachta, as bainistiú laethúil an ghnóthais;

ciallaíonn ‘grúpa trasteorann’ grúpa ag a bhfuil grúpeintitis atá bunaithe i níos mó ná Ballstát amháin;

ciallaíonn ‘tacaíocht airgeadais phoiblí urghnách’ Státchabhair de réir bhrí Airteagal 107(1) CFAE, nó aon tacaíocht airgeadais phoiblí eile ar an leibhéal fornáisiúnta, a bheadh ina Státchabhair dá mba ar an leibhéal náisiúnta a sholáthrófaí í, a sholáthraítear chun inmharthanacht, leachtacht nó sócmhainneacht a chaomhnú nó a athbhunú i gcás eintiteas dá dtagraítear in Airteagal 1(1), pointí (a) go (e), nó grúpa a bhfuil eintiteas den sórt sin ina chuid de;

ciallaíonn ‘grúpeintiteas’ duine dlítheanach ar cuid de ghrúpa é;

ciallaíonn ‘maoirseoir grúpa’ maoirseoir grúpa mar a shainmhínítear in Airteagal 212(1), pointe (d), de Threoir 2009/138/CE;

ciallaíonn ‘plean réamhghabhálach téarnaimh’ plean réamhghabhálach téarnaimh arna tharraingt suas agus arna choinneáil ar bun i gcomhréir le hAirteagal 5;

ciallaíonn ‘plean réamhghabhálach grúpa téarnaimh’ plean réamhghabhálach grúpa téarnaimh arna tharraingt suas agus arna choinneáil ar bun i gcomhréir le hAirteagal 7;

ciallaíonn ‘gníomhaíochtaí suntasacha trasteorann’ gníomhaíochtaí suntasacha trasteorann mar a shainmhínítear in Airteagal 152aa(1) de Threoir 2009/138/CE;

ciallaíonn ‘feidhmeanna criticiúla’ gníomhaíochtaí, seirbhísí nó oibríochtaí arna gcur i gcrích ag gnóthas árachais nó athárachais le haghaidh tríú páirtithe nach féidir iad a ionadú laistigh de thréimhse réasúnach nó ar chostas réasúnach, agus i gcás inar dócha go n-imreodh neamhábaltacht an ghnóthais árachais nó athárachais na gníomhaíochtaí, seirbhísí nó oibríochtaí a dhéanamh tionchar mór ar an gcóras airgeadais nó ar an bhfíorgheilleagar i mBallstát amháin nó níos mó, lena n-áirítear, go háirithe, an tionchar a éiríonn as éifeachtaí ar leas sóisialta líon mór sealbhóirí polasaí, tairbhithe nó páirtithe díobhálaithe nó as míshocracht shistéamach nó titim sa mhuinín ghinearálta i soláthar seirbhísí árachais;

ciallaíonn ‘príomhlínte gnó’ línte gnó agus seirbhísí gaolmhara ar foinsí ábharacha ioncaim, brabúis nó luach saincheadúnais iad le haghaidh gnóthas árachais nó athárachais nó le haghaidh grúpa a bhfuil gnóthas árachais nó athárachais ina chuid de;

ciallaíonn ‘socrú maoiniúcháin’ socrú arna bhunú ag Ballstát i gcomhréir le hAirteagal 81 chun a áirithiú go gcuirfidh an t-údarás réitigh na huirlisí réitigh i bhfeidhm go héifeachtach agus go bhfeidhmeofar na cumhachtaí réitigh go héifeachtach;

ciallaíonn ‘cistí dílse’ cistí dílse dá bhforáiltear in Airteagal 87 de Threoir 2009/138/CE;

ciallaíonn ‘gníomhaíocht réitigh’ cinneadh a dhéanamh aon eintiteas dá dtagraítear in Airteagal 1(1), pointí (a) go (e), a chur faoi réiteach de bhun Airteagal 19 nó 20, uirlis réitigh a chur i bhfeidhm nó ceann amháin nó níos mó de chumhachtaí réitigh a fheidhmiú;

ciallaíonn ‘plean réitigh’ plean réitigh le haghaidh gnóthas árachais nó athárachais arna tharraingt suas i gcomhréir le hAirteagal 9;

ciallaíonn ‘réiteach grúpa’ ceachtar díobh seo a leanas:

ciallaíonn ‘plean réitigh grúpa’ plean le haghaidh réiteach grúpa arna tharraingt suas i gcomhréir le hAirteagail 10 agus 11;

ciallaíonn ‘údarás réitigh ar ghrúpleibhéal’ an t-údarás réitigh sa Bhallstát ina bhfuil an maoirseoir grúpa suite;

ciallaíonn ‘grúpscéim réitigh’ plean arna tharraingt suas chun críoch réitigh grúpa i gcomhréir le hAirteagal 73;

ciallaíonn ‘coláiste réitigh’ coláiste arna bhunú i gcomhréir le hAirteagal 70;

ciallaíonn ‘coláiste réitigh Eorpach’ coláiste arna bhunú i gcomhréir le hAirteagal 71;

ciallaíonn ‘cuideachta sealbhaíochta árachais atá ag plé le gníomhaíochtaí measctha’ cuideachta sealbhaíochta árachais atá ag plé le gníomhaíochtaí measctha mar a shainmhínítear in Airteagal 212(1), pointe (g), de Threoir 2009/138/CE;

ciallaíonn ‘gnáthimeachtaí dócmhainneachta’ comhimeachtaí dócmhainneachta arb é atá iontu féichiúnaí a dhífheistiú go páirteach nó go hiomlán agus leachtaitheoir nó riarthóir a cheapadh is infheidhme de ghnáth maidir le gnóthais árachais agus athárachais faoin dlí náisiúnta agus a bhaineann go sonrach leis na gnóthais sin nó is infheidhme i gcoitinne maidir le haon duine nádúrtha nó dlítheanach;

ciallaíonn ‘ionstraimí fiachais’ bannaí agus cineálacha eile fiachais inaistrithe, ionstraimí lena gcruthaítear nó lena n-aithnítear fiachas, agus ionstraimí lena dtugtar cearta chun ionstraimí fiachais a fháil;

ciallaíonn ‘éileamh árachais’ éileamh árachais mar a shainmhínítear in Airteagal 268(1), pointe (g), de Threoir 2009/138/CE;

ciallaíonn ‘máthairghnóthas’ máthairghnóthas mar a shainmhínítear in Airteagal 13, pointe (15), de Threoir 2009/138/CE;

ciallaíonn ‘creat Státchabhrach an Aontais’ an creat a bhunaítear le hAirteagail 107, 108 agus 109 CFAE agus rialacháin agus gach gníomh de chuid an Aontais, lena n-áirítear treoirlínte, teachtaireachtaí agus fógraí, arna ndéanamh nó arna nglacadh de bhun Airteagal 108(4) nó Airteagal 109 CFAE;

ciallaíonn ‘foirceannadh’ réadú sócmhainní eintitis dá dtagraítear in Airteagal 1(1), pointí (a) go (e);

ciallaíonn ‘uirlis deighilte sócmhainní agus dliteanas’ an sásra chun go ndéanfadh údarás réitigh sócmhainní, cearta nó dliteanais gnóthais faoi réiteach a aistriú chuig gléas bainistíochta sócmhainní agus dliteanas i gcomhréir le hAirteagal 30;

ciallaíonn ‘gléas bainistíochta sócmhainní agus dliteanas’ duine dlítheanach a chomhlíonann na ceanglais a leagtar síos in Airteagal 30(2);

ciallaíonn ‘uirlis díluachála nó chomhshó’ an sásra chun go ndéanfadh údarás réitigh na cumhachtaí díluachála nó comhshó a fheidhmiú i ndáil le dliteanais ghnóthais faoi réiteach i gcomhréir le hAirteagal 35;

ciallaíonn ‘uirlis díolta gnó’ an sásra chun go ndéanfadh údarás réitigh scaireanna nó ionstraimí eile úinéireachta a aistriú, scaireanna nó ionstraimí a d’eisigh gnóthas faoi réiteach, nó sócmhainní, cearta nó dliteanais gnóthais faoi réiteach a aistriú chuig ceannaitheoir nach gnóthas idirlinne é, i gcomhréir le hAirteagal 31;

ciallaíonn ‘gnóthas idirlinne’ duine dlítheanach a chomhlíonann na ceanglais a leagtar síos in Airteagal 32(2);

ciallaíonn ‘uirlis gnóthais idirlinne’ an sásra chun scaireanna nó ionstraimí eile úinéireachta a d’eisigh gnóthas faoi réiteach nó sócmhainní, cearta nó dliteanais ghnóthais faoi réiteach a aistriú chuig gnóthas idirlinne, i gcomhréir le hAirteagal 32;

ciallaíonn ‘uirlis um leachtú sócmhainneach’ an sásra chun toirmeasc a chur ar ghnóthas faoi réiteach conarthaí nua árachais nó athárachais a thabhairt i gcrích agus chun a ghníomhaíocht a theorannú go riar eisiach a phunainne atá ann cheana go dtí go ndéanfar a ghníomhaíochtaí a fhoirceannadh agus é a dhíscaoileadh faoi ghnáthimeachtaí dócmhainneachta i gcomhréir le hAirteagal 27;

ciallaíonn ‘ionstraimí úinéireachta’ scaireanna, ionstraimí eile a thugann úinéireacht, ionstraimí atá in-chomhshóite ina scaireanna nó ina n-ionstraimí úinéireachta eile nó a thugann an ceart scaireanna nó ionstraimí úinéireachta eile a fháil, agus ionstraimí a léiríonn leasanna i scaireanna nó in ionstraimí úinéireachta eile;

ciallaíonn ‘scairshealbhóir’ sealbhóir ionstraimí úinéireachta;

ciallaíonn ‘cumhachtaí aistrithe’ na cumhachtaí atá sonraithe in Airteagal 42(1), pointí (e) nó (f), chun scaireanna, ionstraimí eile úinéireachta, ionstraimí fiachais, sócmhainní, cearta nó dliteanais, nó aon teaglaim de na míreanna sin a aistriú ó ghnóthas faoi réiteach chuig faighteoir;

ciallaíonn ‘contrapháirtí lárnach’ (CCP) CCP mar a shainmhínítear in Airteagal 2, pointe (1), de Rialachán (AE) Uimh. 648/2012 ó Pharlaimint na hEorpa agus ón gComhairle (14);

ciallaíonn ‘díorthach’ díorthach mar a shainmhínítear in Airteagal 2, pointe (5), de Rialachán (AE) Uimh. 648/2012;

ciallaíonn ‘cumhachtaí díluachála nó comhshó’ na cumhachtaí dá dtagraítear in Airteagal 35(2) agus Airteagal 42(1), pointí (g) go (k);

ciallaíonn ‘dliteanas urraithe’ dliteanas ina ndéantar ceart an chreidiúnaí chun íocaíochta nó ina ndéantar foirm feidhmíochta eile a urrú trí mhuirear, gealltán nó lian, nó socruithe comhthaobhachta lena n-áirítear dliteanais a eascraíonn as idirbhearta athcheannaigh agus socruithe comhthaobhachta eile aistrithe teidil;

ciallaíonn ‘ionstraimí Leibhéal 1’ míreanna de bhunchiste dílis lena gcomhlíontar na coinníollacha a leagtar síos in Airteagal 94(1) de Threoir 2009/138/CE;

ciallaíonn ‘ionstraimí Leibhéal 2’ míreanna de bhunchiste dílis agus de chistí dílse coimhdeacha lena gcomhlíontar na coinníollacha a leagtar síos in Airteagal 94(2) de Threoir 2009/138/CE;

ciallaíonn ‘ionstraimí Leibhéal 3’ míreanna de bhunchiste dílis agus de chistí dílse coimhdeacha lena gcomhlíontar na coinníollacha a leagtar síos in Airteagal 94(3) de Threoir 2009/138/CE;

ciallaíonn ‘dliteanais incháilithe’ na dliteanais agus na hionstraimí caipitil nach gcáilíonn mar ionstraimí Leibhéal 1, Leibhéal 2 nó Leibhéal 3 de chuid eintitis dá dtagraítear in Airteagal 1(1), pointí (a) go (e), agus nach n-eisiatar ó raon feidhme na huirlise díluachála nó comhshó de bhun Airteagal 35 (5) go (8);

ciallaíonn ‘scéim ráthaíochta árachais’ scéim arna haithint go hoifigiúil ag Ballstát agus arna maoiniú trí ranníocaíochtaí ó ghnóthais árachais nó athárachais nó sealbhóirí polasaí lena dtugtar ráthaíocht go n-íocfar éilimh árachais incháilithe, go páirteach nó go hiomlán, le sealbhóirí polasaí incháilithe, páirtithe árachaithe agus tairbhithe nó lena n-áirithítear comhleanúnachas polasaithe árachais i gcás nach bhfuil gnóthas árachais in ann nó ar dócha nach mbeidh sé in ann a oibleagáidí agus a ghealltanais a eascraíonn as a chonarthaí árachais a chomhlíonadh;

ciallaíonn ‘ionstraimí caipitil ábhartha’ ionstraimí Leibhéal 1, ionstraimí Leibhéal 2 nó ionstraimí Leibhéal 3;

ciallaíonn ‘ráta comhshó’ an fachtóir lena gcinntear líon na scaireanna nó na n-ionstraimí úinéireachta eile ina ndéanfar dliteanas aicme sonraí a chomhshó, trí thagairt d’ionstraim aonair den aicme i gceist nó d’aonad luacha sonraithe éilimh fiachais;

ciallaíonn ‘creidiúnaí a ndéantar difear dó’ creidiúnaí a mbaineann a éileamh le dliteanas atá laghdaithe nó comhshóite ina scaireanna nó ionstraimí eile úinéireachta tríd an gcumhacht díluachála nó chomhshó a fheidhmiú de bhun úsáid na huirlise díluachála nó comhshó;

ciallaíonn ‘faighteoir’ an t-eintiteas chuig a n-aistrítear scaireanna, ionstraimí eile úinéireachta, ionstraimí fiachais, sócmhainní, cearta nó dliteanais, nó aon teaglaim de na míreanna sin ó ghnóthas faoi réiteach;

ciallaíonn ‘lá gnó’ lá seachas Satharn nó Domhnach nó saoire phoiblí sa Bhallstát lena mbaineann;

ciallaíonn ‘ceart chun foirceanta’ ceart chun conradh a fhoirceannadh, ceart chun oibleagáidí a luathú, chun clabhsúir a chur ar oibleagáidí, chun oibleagáidí a fhritháireamh nó chun oibleagáidí a ghlanluacháil, nó aon fhoráil chomhchosúil lena ndéantar oibleagáid páirtí sa chonradh a chur ar fionraí, a mhodhnú nó a chur ar ceal, nó foráil lena gcuirtear cosc le teacht chun cinn oibleagáide faoin gconradh a thiocfadh chun cinn murach an fhoráil sin;

ciallaíonn ‘gnóthas faoi réiteach’ aon cheann de na heintitis dá dtagraítear in Airteagal 1(1), pointí (a) go (e), a ndéantar gníomhaíocht réitigh ina leith;

ciallaíonn ‘máthairghnóthas deiridh’ máthairghnóthas i mBallstát, de ghrúpa atá faoi réir maoirseacht grúpa i gcomhréir le hAirteagal 213(2), pointe (a) nó (b), de Threoir 2009/138/CE, nach foghnóthas é de ghnóthas árachais nó athárachais eile, cuideachta sealbhaíochta árachais nó cuideachta sealbhaíochta airgeadais mheasctha atá údaraithe agus curtha ar bun in aon Bhallstát;

ciallaíonn ‘gnóthas árachais nó athárachais tríú tír’ gnóthas árachais tríú tír nó gnóthas athárachais tríú tír mar a shainmhínítear in Airteagal 13, pointí (3) agus (6), de Threoir 2009/138/CE;

ciallaíonn ‘imeachtaí réitigh tríú tír’ gníomhaíocht faoi dhlí tríú tír chun bainistiú a dhéanamh ar chliseadh gnóthais árachais nó athárachais tríú tír nó máthairghnóthais tríú tír atá inchomparáide, i dtéarmaí cuspóirí agus torthaí tuartha, le gníomhaíochtaí réitigh faoin Treoir seo;

ciallaíonn ‘brainse de chuid an Aontais de ghnóthas tríú tír’ brainse atá lonnaithe i mBallstát gnóthais árachais nó athárachais tríú tír;

ciallaíonn ‘údarás tríú tír ábhartha’ údarás tríú tír atá freagrach as feidhmeanna a chur i gcrích atá inchomparáide leo siúd atá ag údaráis réitigh nó ag údaráis mhaoirseachta de bhun na Treorach seo;

ciallaíonn ‘socrú comhthaobhachta airgeadais aistrithe teidil’ socrú comhthaobhachta airgeadais aistrithe teidil mar a shainmhínítear in Airteagal 2(1), pointe (b), de Threoir 2002/47/CE ó Pharlaimint na hEorpa agus ón gComhairle (15);

ciallaíonn ‘socrú glanluachála’ socrú faoinar féidir roinnt éileamh nó oibleagáidí a thiontú ina nglanéileamh aonair, lena n-áirítear socruithe glanluachála socraíochta faoina ndéanfar, i gcás ina dtarlóidh ócáid forfheidhmithe (pé sainmhíniú a thugtar air sin nó pé áit a sainmhínítear é), oibleagáidí na bpáirtithe a luathú sa chaoi go mbeidh siad dlite láithreach bonn nó a fhoirceannadh, agus i gceachtar den dá chás, go ndéanfar iad a thiontú ina nglanéileamh aonair nó go ndéanfar glanéileamh aonair a chur ina n-ionad, lena n-áirítear ‘forálacha maidir le glanluacháil socraíochta’ mar a shainmhínítear in Airteagal 2(1), pointe (n)(i), de Threoir 2002/47/CE agus ‘glanluacháil’ mar a shainmhínítear in Airteagal 2, pointe (k), de Threoir 98/26/CE;

ciallaíonn ‘socrú fritháirimh’ socrú faoinar féidir dhá éileamh nó níos mó nó dhá oibleagáid nó níos mó atá dlite idir an gnóthas faoi réiteach agus contrapháirtí a fhritháireamh in aghaidh a chéile;

ciallaíonn ‘conarthaí airgeadais’ conarthaí airgeadais mar a shainmhínítear in Airteagal 2(1), pointe (100), de Threoir 2014/59/AE;

ciallaíonn ‘beart coiscthe géarchéime’ an feidhmiú cumhachtaí chun gnóthas a threorú chun aghaidh a thabhairt ar na heasnaimh nó na baic ar in-aisghabhálacht faoi Airteagal 6(5) den Treoir seo, an feidhmiú cumhachtaí chun aghaidh a thabhairt ar bhaic ar inréiteacht nó chun na baic sin a bhaint faoi Airteagal 15 nó 16 den Treoir seo, cur i bhfeidhm aon bheart faoi Airteagal 137, Airteagal 138(3) agus (5), Airteagal 139(3) agus Airteagal 140 de Threoir 2009/138/CE, agus cur i bhfeidhm beart coisctheach faoi Airteagal 141 de Threoir 2009/138/CE;

ciallaíonn ‘beart bainistíochta géarchéime’ gníomhaíocht réitigh, ceapadh bainisteora speisialta faoi Airteagal 44 nó ceapadh duine faoi Airteagal 54(1);

ciallaíonn ‘údarás náisiúnta macrastuamachta ainmnithe’ an t-údarás a bhfuil sé de chúram air an beartas macrastuamachta a sheoladh dá dtagraítear i Moladh B1 de Mholadh an Bhoird Eorpaigh um Riosca Sistéamach an 22 Nollaig 2011 maidir le sainordú macrastuamachta na n-údarás náisiúnta (BERS/2011/3);

ciallaíonn ‘margadh rialáilte’ margadh rialáilte mar a shainmhínítear in Airteagal 4(1), pointe (21), de Threoir 2014/65/AE ó Pharlaimint na hEorpa agus ón gComhairle (16).

ciallaíonn ‘institiúid creidmheasa’ institiúid creidmheasa mar a shainmhínítear in Airteagal 4(1), pointe (1), de Rialachán (AE) Uimh. 575/2013 ó Pharlaimint na hEorpa agus ón gComhairle (17);

ciallaíonn ‘gnólacht infheistíochta’ gnólacht infheistíochta mar a shainmhínítear in Airteagal 4(1), pointe (2), de Rialachán (AE) Uimh. 575/2013;

ciallaíonn ‘gnóthas beag neamhchasta’ gnóthas beag neamhchasta mar a shainmhínítear in Airteagal 13, pointe (10a), de Threoir 2009/138/CE;

ciallaíonn ‘soláthraí seirbhísí fíor-riachtanacha’ eintiteas a sholáthraíonn earraí nó seirbhísí, amhail seirbhísí TF, fóntais agus cíos, seirbhísiú agus cothabháil áitribh, a bhfuil gá leo chun feidhmiú leanúnach oibríochtaí gnóthais árachais nó athárachais a choinneáil ar bun, nó a bhfuil gá leo chun leanúnachas an chumhdaigh árachais a áirithiú, agus ar cuid den ghrúpa céanna ina bhfuil an gnóthas sin é;

ciallaíonn ‘foghnóthas’ foghnóthas mar a shainmhínítear in Airteagal 13, pointe (16), de Threoir 2009/138/CE;

ciallaíonn ‘foghnóthas de chuid an Aontais’ gnóthas árachais nó athárachais a bhfuil a cheannoifig aige i mBallstát agus ar foghnóthas de ghnóthas árachais nó athárachais tríú tír nó de mháthairghnóthas tríú tír é;

ciallaíonn ‘brainse’ brainse mar a shainmhínítear in Airteagal 13, pointe (11), de Threoir 2009/138/CE;

ciallaíonn ‘comhlacht riaracháin, bainistíochta nó maoirseachta’ comhlacht riaracháin, bainistíochta nó maoirseachta mar a shainmhínítear in Airteagal 1, pointe (43), de Rialachán Tarmligthe (AE) 2015/35 ón gCoimisiún (18);

ciallaíonn ‘ilchuideachta airgeadais’ ilchuideachta airgeadais mar a shainmhínítear in Airteagal 2, pointe (14), de Threoir 2002/87/CE.