Airteagal 66 4

(a)

fostaithe agus saineolaithe na gcomhlachtaí nó na n-eintiteas dá dtagraítear i mír 1, pointí (a) go (i), maidir le faisnéis a roinnt eatarthu féin laistigh de gach comhlacht nó eintiteas;

(b)

údaráis réitigh agus údaráis mhaoirseachta, lena n-áirítear a bhfostaithe agus a saineolaithe, maidir le faisnéis a roinnt lena chéile agus le húdaráis réitigh eile de chuid an Aontais, údaráis mhaoirseachta eile de chuid an Aontais, aireachtaí inniúla, bainc cheannais, scéimeanna ráthaíochta árachais, údaráis atá freagrach as gnáthimeachtaí dócmhainneachta, údaráis atá freagrach as cobhsaíocht an chórais airgeadais sna Ballstáit a chothabháil trí rialacha macrastuamachta a úsáid, daoine a gcuirtear de chúram orthu iniúchadh reachtúil a dhéanamh ar chuntais, EIOPA, nó, faoi réir Airteagal 80, údaráis tríú tír a chomhlíonann feidhmeanna atá coibhéiseach le feidhmeanna na n-údarás réitigh, nó, faoi réir ceanglais dhiana rúndachta, le faighteoir féideartha chun gníomhaíocht réitigh a phleanáil nó a chur i gcrích;

(c)

malartú faisnéise idir údaráis réitigh agus údaráis chánach sa Bhallstát céanna a mhéid a cheadaítear an malartú sin leis an dlí náisiúnta; i gcás ina dtionscnaíonn an fhaisnéis sin i mBallstát eile, ní dhéanfar í a mhalartú ach amháin le toiliú sainráite an údaráis as ar tháinig an fhaisnéis.