4. I gcás nach n-aontaíonn údarás réitigh leis an ngrúpscéim réitigh arna moladh ag an údarás réitigh ar ghrúpleibhéal nó i gcás ina n-imíonn sé uaithi, nó ina measann sé, ar mhaithe le cobhsaíocht airgeadais, gur gá dó gníomhaíochtaí réitigh neamhspleácha nó bearta eile seachas na bearta sin arna moladh sa ghrúpscéim réitigh a dhéanamh i ndáil le heintiteas dá dtagraítear in Airteagal 1(1), pointí (a) go (e), déanfaidh an t-údarás sin an méid seo a leanas:
|
(a)
|
na cúiseanna leis an easaontas nó na cúiseanna a bhaineann le himeacht ón ngrúpscéim réitigh a leagan amach go mion;
|
|
(b)
|
fógra a thabhairt don údarás réitigh ar ghrúpleibhéal agus do na húdaráis réitigh eile arna gcumhdach leis an ngrúpscéim réitigh faoi na cúiseanna dá dtagraítear i bpointe (a);
|
|
(c)
|
an t-údarás réitigh ar ghrúpleibhéal agus na húdaráis réitigh eile arna gcumhdach ag an ngrúpscéim réitigh a chur ar an eolas faoi na gníomhaíochtaí nó faoi na bearta atá beartaithe acu a dhéanamh.
|
Agus na cúiseanna atá lena easaontas á leagan amach aige, tabharfaidh an t-údarás réitigh lena mbaineann aird chuí ar na pleananna réitigh grúpa, ar an tionchar a d’fhéadfadh a bheith ag na gníomhaíochtaí réitigh neamhspleácha nó na bearta a dhéanfaidh sé ar chobhsaíocht airgeadais, acmhainní fioscacha, scéimeanna ráthaíochta árachais agus aon shocruithe maoiniúcháin sna Ballstáit lena mbaineann agus ar an éifeacht a d’fhéadfadh a bheith ag na gníomhaíochtaí réitigh nó na bearta eile ar chodanna eile den ghrúpa.