+Airteagal 17 Athbhreithniú
---+Airteagal 17 1.
---+Airteagal 17 2.
---+Airteagal 17 3.

Airteagal 17 Athbhreithniú

Athbhreithniú

1. Forbhreathnú

,
Airteagal 17 1.

Leanfar d’athbhreithniú a dhéanamh ar an Rialachán seo, agus, inter alia, an méid seo a leanas á gcur san áireamh:

(a) 

forbairtí idirnáisiúnta;

(b) 

na hiarrachtaí a dhéantar le cuspóirí fadtéarmacha Chomhaontú Pháras a bhaint amach; agus

(c) 

dlí an Aontais, lena n-áirítear maidir le hathbhunú an dúlra.

Ar bhonn thorthaí na tuarascála arna hullmhú de bhun Airteagal 14(3) agus thorthaí an mheasúnaithe arna dhéanamh de bhun Airteagal 13(2), pointe (b), nó ar bhonn an fhíoraithe arna dhéanamh de bhun Airteagal 37(4a) de Rialachán (AE) 2018/1999, déanfaidh an Coimisiún, i gcás inarb iomchuí, tograí a thíolacadh chun a áirithiú go n-urramófar sláine sprioc fhoriomlán 2030 an Aontais maidir le glanaistrithe gás ceaptha teasa a shocraítear i gcomhréir le hAirteagal 4(2) den Rialachán seo agus rannchuidiú na sprice le spriocanna Chomhaontú Pháras.
Airteagal 17 2.

Cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir le feidhmiú an Rialacháin seo, tráth nach déanaí ná 6 mhí tar éis an chéad stocáirimh dhomhanda a comhaontaíodh faoi Airteagal 14 de Chomhaontú Pháras. Beidh an tuarascáil bunaithe ar na sonraí is déanaí atá ar fáil de réir mar a chuir na Ballstáit ar fáil iad faoi Rialachán (AE) 2018/1999 agus ar Airteagal 4(4) de Rialachán (AE) 2021/1119 ó Pharlaimint na hEorpa agus ón gComhairle ( 4 ). I bhfianaise an mhéadaithe is gá ar laghduithe agus aistrithe ar astaíochtaí gás ceaptha teasa san Aontas agus aistriú atá cóir go sóisialta a shaothrú, agus maidir leis an ngá atá le beartais agus bearta breise de chuid an Aontais, áireofar sa tuarascáil, i gcás inarb ábhartha, an méid seo a leanas:

(a) 

measúnú ar thionchair na solúbthachtaí dá dtagraítear in Airteagal 11;

(b) 

measúnú ar rannchuidiú an Rialacháin seo leis an gcuspóir aeráidneodrachta agus leis na spriocanna aeráide idirmheánacha arna leagan amach i Rialachán (AE) 2021/1119;

(c) 

measúnú ar rannchuidiú an Rialacháin seo le spriocanna Chomhaontú Pháras;

(d) 

measúnú ar thionchair shóisialta agus tionchair ar shaothar, lena n-áirítear ar chomhionannas inscne agus ar dhálaí oibre, sna Ballstáit ar an leibhéal náisiúnta agus ar an leibhéal réigiúnach araon, atá ag na hoibleagáidí a leagtar síos sa Rialachán seo in aon cheann de na catagóirí talún agus earnálacha a chumhdaítear le hAirteagal 2;

(e) 

measúnú ar an dul chun cinn a rinneadh ar an leibhéal idirnáisiúnta maidir leis na rialacha lena rialaítear Airteagal 6(2) agus Airteagal 6(4) de Chomhaontú Pháras agus, i gcás inarb ábhartha, tograí chun an Rialachán seo a leasú, go háirithe chun comhaireamh dúbailte a sheachaint agus coigeartuithe comhfhreagracha a chur i bhfeidhm;

(f) 

measúnú ar na treochtaí reatha agus ar na réamh-mheastacháin amach anseo maidir le hastaíochtaí agus aistrithe gás ceaptha teasa ó thalamh curaíochta, féarthalamh agus bogaigh agus roghanna rialála chun comhsheasmhacht na dtreochtaí agus na réamh-mheastachán sin a áirithiú agus é de chuspóir laghduithe fadtéarmacha ar astaíochtaí gás ceaptha teasa a bhaint amach i ngach earnáil den gheilleagar i gcomhréir le cuspóir aeráidneodrachta an Aontais agus spriocanna aeráide idirmheánacha an Aontais a leagtar amach i Rialachán (AE) 2021/1119;

(g) 

na treochtaí reatha agus na réamh-mheastacháin amach anseo maidir le hastaíochtaí gás ceaptha teasa ó na catagóirí tuairiscithe agus na roghanna rialála seo a leanas chun comhsheasmhacht a áirithiú idir na treochtaí agus na réamh-mheastacháin sin agus é de chuspóir laghduithe fadtéarmacha ar astaíochtaí gás ceaptha teasa a bhaint amach i ngach earnáil den gheilleagar i gcomhréir le cuspóir aeráidneodrachta an Aontais agus spriocanna aeráide idirmheánacha an Aontais a leagtar amach i Rialachán (AE) 2021/1119:

(i) 

coipeadh eintreach;

(ii) 

bainistiú aoiligh;

(iii) 

saothrú ríse;

(iv) 

ithreacha talmhaíochta;

(v) 

loscadh forordaithe sabhánaí;

(vi) 

loscadh ar an láthair d’fhuíll talmhaíochta;

(vii) 

aoladh;

(viii) 

úsáid úiré;

(ix) 

leasacháin eilea bhfuil carbón iontu;

(x) 

eile.

Cuirfear san áireamh sa tuarascáil sin, i gcás inarb ábhartha, éifeachtaí an struchtúir aoise foraoise, lena n-áirítear i gcás ina bhfuil baint ag na héifeachtaí sin le himthosca sonracha cogaidh nó iarchogaidh, ar bhealach atá láidir ó thaobh na heolaíochta de, iontaofa agus trédhearcach, agus d’fhonn athléimneacht fhadtéarmach agus acmhainneacht oiriúnaitheach foraoisí a áirithiú.

Féadfar sa tuarascáil sin freisin, tar éis modheolaíocht iomchuí tuairiscithe eolaíochtbhunaithe a ghlacadh agus bunaithe ar an dul chun cinn sa tuairisciú agus ar an bhfaisnéis eolaíoch is déanaí atá ar fáil, measúnú a dhéanamh ar indéantacht na hanailíse agus ar an tionchar a bheadh ag tuairisciú astaíochtaí gás ceaptha teasa agus aistrithe ó earnálacha breise, amhail na timpeallachtaí muirí agus fionnuisce, chomh maith le roghanna rialála ábhartha.

Mar thoradh ar an tuarascáil agus á chur san áireamh a thábhachtaí atá sé go rannchuideodh gach earnáil go cothrom le cuspóir aeráidneodrachta an Aontais agus le spriocanna aeráide idirmheánacha an Aontais de bhun Rialachán (AE) 2021/1119, déanfaidh an Coimisiún, i gcás inarb iomchuí, tograí reachtacha a thíolacadh. Go háirithe, féadfar spriocanna an Aontais agus spriocanna na mBallstát a leagan amach sna tograí sin maidir le hastaíochtaí agus aistrithe gás ceaptha teasa, agus aird chuí á tabhairt ar aon easnamh arna charnadh faoi 2030 ag gach Ballstát.

Féadfaidh an Bord Comhairleach Eolaíoch Eorpach maidir leis an Athrú Aeráide arna bhunú faoi Airteagal 10a de Rialachán (CE) Uimh. 401/2009 ó Pharlaimint na hEorpa agus ón gComhairle ( 5 ) (“an Bord Comhairleach”), ar a thionscnamh féin, comhairle eolaíoch a sholáthar nó tuarascálacha a eisiúint maidir le bearta an Aontais, spriocanna aeráide, leibhéil bhliantúla astaíochtaí agus aistrithe agus solúbthachtaí faoin Rialachán seo. Breithneoidh an Coimisiún comhairle agus tuarascálacha ábhartha an Bhoird Chomhairligh, go háirithe maidir le bearta amach anseo arb é is aidhm dóibh astaíochtaí a laghdú tuilleadh agus aistrithe a mhéadú tuilleadh sna fo-earnálacha a chumhdaítear leis an Rialachán seo.
Airteagal 17 3.
Laistigh de 12 mhí ó theacht i bhfeidhm gnímh reachtaigh a bhaineann le creat rialála de chuid an Aontais chun aistrithe carbóin a dheimhniú, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir leis na tairbhí agus na comhbhabhtálacha a d’fhéadfadh a bheith ann mar gheall ar tháirgí stórála carbóin fadshaolacha a fhaightear ó fhoinsí inbhuanaithe, ar táirgí iad a bhfuil éifeacht ghlandhearfach ceaptha carbóin acu, a áireamh faoi raon feidhme an Rialacháin seo. Déanfar measúnú sa tuarascáil ar conas breithniú a dhéanamh ar astaíochtaí agus aistrithe díreacha agus indíreacha gás ceaptha teasa a bhaineann leis na táirgí sin, amhail na cinn sin a eascraíonn as athrú ar thalamhúsáid agus rioscaí iarmhartacha maidir le sceitheadh astaíochtaí gaolmhara, chomh maith le tairbhí agus comhbhabhtálacha féideartha le cuspóirí comhshaoil eile de chuid an Aontais, go háirithe cuspóirí bithéagsúlachta. I gcás inarb iomchuí, féadfar breithniú a dhéanamh sa tuarascáil ar phróiseas chun táirgí stórála carbóin inbhuanaithe a áireamh i raon feidhme an Rialacháin seo, ar bhealach atá comhsheasmhach le cuspóirí comhshaoil eile de chuid an Aontais, chomh maith le Treoirlínte IPCC arna nglacadh ag Comhdháil na bPáirtithe in UNFCCC nó ag Comhdháil na bPáirtithe ag feidhmiú mar Chruinniú na bPáirtithe i gComhaontú Pháras. Féadfaidh togra reachtach chun an Rialachán seo a leasú dá réir sin a bheith ag gabháil leis an tuarascáil ón gCoimisiún, i gcás inarb iomchuí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin