+Airteagal 41 Liosta tíortha a bhfuil sé údaraithe dramhaíl neamhghuaiseach ón Aontas a onnmhairiú chucu lena haisghabháil
---+Airteagal 41 1.
---+Airteagal 41 2.
---+Airteagal 41 3.
---+Airteagal 41 4.
---+Airteagal 41 5.
---+Airteagal 41 6.
---+Airteagal 41 7.
---+Airteagal 41 8.

Airteagal 41 Liosta tíortha a bhfuil sé údaraithe dramhaíl neamhghuaiseach ón Aontas a onnmhairiú chucu lena haisghabháil

1. Forbhreathnú

,
Airteagal 41 1.
Tá de chumhacht ag an gCoimisiún gníomh tarmligthe a ghlacadh i gcomhréir le hAirteagal 80 chun an Rialachán seo a fhorlíonadh trí liosta tíortha a bhunú nach bhfuil feidhm ag Cinneadh ECFE maidir leo agus a bhfuil sé údaraithe dramhaíolacha neamhghuaiseacha agus meascáin de dhramhaíolacha neamhghuaiseacha ón Aontas a onnmhairiú chucu lena haisghabháil (‘liosta tíortha a bhfuil sé údaraithe onnmhairiú chucu’). Áireofar sa liosta sin tíortha a chuir iarraidh isteach de bhun Airteagal 42(1) agus a léirigh go gcomhlíonann siad na ceanglais a leagtar amach in Airteagal 42(3), ar bhonn measúnú arna dhéanamh ag an gCoimisiún de bhun Airteagal 43, agus a d’aontaigh Airteagal 42(5) a chomhlíonadh.
Airteagal 41 2.

Áireofar an fhaisnéis seo a leanas sa liosta dá dtagraítear i mír 1:

(a) 

ainm na dtíortha a bhfuil sé údaraithe dramhaíolacha neamhghuaiseacha agus meascáin de dhramhaíolacha neamhghuaiseacha ón Aontas a onnmhairiú chucu lena n-aisghabháil;

(b) 

dramhaíolacha sonracha neamhghuaiseacha agus na meascáin shonracha de dhramhaíolacha neamhghuaiseacha a údaraítear lena n-onnmhairiú ón Aontas chuig gach tír dá dtagraítear i bpointe (a);

(c) 

faisnéis amhail seoladh idirlín, a chumasóidh rochtain ar liosta saoráidí atá ceadúnaithe faoi reachtaíocht intíre gach tíre dá dtagraítear i bpointe (a) chun aisghabháil na dramhaíola agus na meascán dramhaíolacha dá dtagraítear i bpointe dá dtagraítear i bpointe (b) a dhéanamh;

(d) 

faisnéis faoin nós imeachta sonrach um rialú, más ann dó, a bhfuil feidhm aige faoi reachtaíocht intíre gach tíre dá dtagraítear i bpointe (a) maidir le hallmhairiú na ndramhaíolacha dá dtagraítear i bpointe (b), lena n-áirítear léiriú ar cé acu an bhfuil allmhairiú na ndramhaíolacha a liostaítear in Iarscríbhinn IX a ghabhann le Coinbhinsiún Basel faoi réir an nós imeachta um réamhfhógra agus réamhthoiliú i scríbhinn dá dtagraítear in Airteagal 38 nó nach bhfuil.
Airteagal 41 3.
Glacfar an liosta dá dtagraítear i mír 1 faoin 21 Samhain 2024, ach amháin i gcás nach gcuireann aon tír iarraidh isteach de bhun Airteagal 42(1) nó i gcás nach gcomhlíonann aon tír na ceanglais a leagtar amach in Airteagal 42(3) amhail an tráth sin.

Faoin 21 Lúnasa 2026, rachaidh an Coimisiún i dteagmháil le gach tír nach bhfuil feidhm ag Cinneadh ECFE maidir léi, chun an fhaisnéis riachtanach a sholáthar dóibh maidir le conas is féidir leo a bheith san áireamh ar an liosta tíortha a bhfuil sé údaraithe onnmhairiú chucu.

Chun a bheith san áireamh ar an liosta tíortha a bhfuil sé údaraithe onnmhairiú chucu arna ghlacadh faoin 21 Samhain 2026, cuirfidh na tíortha nach bhfuil feidhm ag Cinneadh ECFE maidir leo a n-iarraidh isteach de bhun Airteagal 42(1) faoin 21 Feabhra 2025.
Airteagal 41 4.

Déanfaidh an Coimisiún an liosta tíortha a bhfuil sé údaraithe onnmhairiú chucu a thabhairt cothrom le dáta go rialta, agus gach 2 bhliain ar a laghad tar éis bhunú an liosta, chun an méid seo a leanas a dhéanamh:

(a) 

tír a chur leis an liosta ar tír í a chomhlíonann na ceanglais a leagtar amach in Airteagal 42;

(b) 

tír a bhaint den liosta a scoireann de na ceanglais a leagtar amach in Airteagal 42 a chomhlíonadh;

(c) 

an fhaisnéis dá dtagraítear i mír 2 a thabhairt cothrom le dáta, ar bhonn iarraidh arna fáil ón tír lena mbaineann agus, má bhaineann an iarraidh sin le dramhaíolacha nua nó meascáin de dhramhaíolacha nua a chur leis an liosta, ar choinníoll gur léirigh an tír lena mbaineann go gcomhlíonann sí na ceanglais a leagtar amach in Airteagal 42 i ndáil leis na dramhaíolacha nua nó na meascáin de dhramhaíolacha nua i dtracht;

(d) 

aon eilimint eile a áireamh ar an liosta nó a bhaint de, atá ábhartha maidir lena áirithiú go bhfuil faisnéis chruinn nuashonraithe ar an liosta.
Airteagal 41 5.
Tar éis dó an fhaisnéis agus an fhianaise dá dtagraítear in Airteagal 42(5) a fháil, féadfaidh an Coimisiún faisnéis bhreise a iarraidh ar an tír lena mbaineann chun léiriú a fháil go bhfuil na ceanglais a leagtar amach in Airteagal 42(3)fós á gcomhlíonadh aici.
Airteagal 41 6.
I gcás ina dtagann faisnéis chun cinn a léiríonn ar bhealach inchreidte nach bhfuil na ceanglais a leagtar amach in Airteagal 42 á gcomhlíonadh a thuilleadh i gcás tír atá san áireamh cheana ar an liosta dá dtagraítear i mír 1, iarrfaidh an Coimisiún ar an tír sin a tuairimí faoin bhfaisnéis sin a sholáthar, laistigh de thréimhse 2 mhí ar a mhéad ón iarraidh sin, chomh maith le fianaise thacaíochta ábhartha ina léirítear go bhfuil na ceanglais sin fós á gcomhlíonadh. Féadfar tréimhse bhreise 2 mhí a chur leis an tréimhse sin i gcás ina ndéanann an tír lena mbaineann iarraidh réasúnaithe ar an síneadh sin.
Airteagal 41 7.
I gcás nach soláthraíonn an tír lena mbaineann a tuairimí agus an fhianaise thacaíochta arna hiarraidh laistigh den teorainn ama dá dtagraítear i mír 6, nó i gcás nach leordhóthanach an fhianaise arna soláthar chun a léiriú go bhfuil na ceanglais a leagtar amach in Airteagal 42 fós á gcomhlíonadh, bainfidh an Coimisiún an tír sin den liosta gan moill mhíchuí.
Airteagal 41 8.
Féadfaidh an Coimisiún dul i dteagmháil tráth ar bith le tír atá san áireamh ar an liosta dá dtagraítear i mír 1 chun faisnéis a fháil atá ábhartha maidir lena áirithiú go mbeidh na ceanglais a leagtar amach in Airteagal 42 fós á gcomhlíonadh ag an tír sin.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin