Airteagal 28 1

(a)

na ceanglais a bhfuil feidhm acu maidir le heintitis faoi oibleagáid de bhun Airteagal 20 agus an fhaisnéis atá le bailiú chun dícheall cuí caighdeánach, simplithe agus feabhsaithe a dhéanamh de bhun Airteagail 22 agus 25 agus Airteagail 33(1) agus 34(4), lena n-áirítear íoscheanglais i gcásanna riosca níos ísle;

(b)

na cineálacha beart díchill chuí shimplithe a bhféadfaidh eintitis faoi oibleagáid iad a chur i bhfeidhm i gcásanna riosca níos ísle de bhun Airteagal 33(1) den Rialachán seo, lena n-áirítear bearta is infheidhme maidir le catagóirí sonracha eintiteas faoi oibleagáid agus táirgí nó seirbhísí, ag féachaint do thorthaí an mheasúnaithe riosca fhornáisiúnta ar leibhéal an Aontais arna dhéanamh ag an gCoimisiún de bhun Airteagal 7 de Threoir (AE) 2024/1640;

(c)

na tosca riosca a bhaineann le gnéithe d’ionstraimí ríomh-airgid ar cheart do mhaoirseoirí iad a chur san áireamh agus méid na díolúine faoi Airteagal 19(7) á chinneadh;

(d)

na foinsí iontaofa agus neamhspleácha faisnéise a fhéadfar a úsáid chun sonraí daoine nádúrtha nó daoine dlítheanacha a shainaithint chun críocha Airteagal 22(6) agus (7);

(e)

an liosta tréithe nach mór a bheith ag modhanna ríomh-shainaitheantais agus seirbhísí iontaoibhe cáilithe ábhartha dá dtagraítear in Airteagal 22(6), pointe (b), chun ceanglais Airteagal 20(1), pointí (a) agus (b), a chomhlíonadh i gcás dícheall cuí caighdeánach, simplithe agus feabhsaithe.