+Artikolu 325ba Rekwiżiti ta' fondi proprji meta jintużaw mudelli interni alternattivi
---+Artikolu 325ba 1.
---+Artikolu 325ba 2.
---+Artikolu 325ba 3.
|
Artikolu 325ba Rekwiżiti ta' fondi proprji meta jintużaw mudelli interni alternattivi
-
1. Ħarsa ġenerali
| Titlu |
Regolamentazzjoni |
|
Artikolu 325ba 1.
|
Istituzzjoni li tuża mudell intern alternattiv għandha tikkalkula r-rekwiżiti ta' fondi proprji għall-portafoll tal-pożizzjonijiet kollha assenjati għall-postijiet tan-negozjar li għalihom l-istituzzjoni ngħatat permess kif imsemmi fl-Artikolu 325az(2) bħala l-ogħla minn dawn li ġejjin:
(a)
it-total tal-valuri li ġejjin:
(i)
il-miżura tar-riskju tan-nuqqas mistenni tal-ġurnata ta' qabel tal-istituzzjoni, ikkalkulata f'konformità mal-Artikolu 325bb (ESt-1), u
(ii)
il-miżura tar-riskju tax-xenarju ta' stress tal-ġurnata ta' qabel tal-istituzzjoni, ikkalkulata f'konformità mat-Taqsima 5 (SSt-1); jew
(b)
it-total tal-valuri li ġejjin:
(i)
il-medja tal-miżura tar-riskju tan-nuqqas mistenni ta' kuljum ta' istituzzjoni, ikkalkulata f'konformità mal-Artikolu 325bb għal kull waħda mis-sittin ġurnata tax-xogħol preċedenti (ESmedja), multiplikata bil-fattur ta' multiplikazzjoni (mc); u
(ii)
il-medja tal-miżura tar-riskju tax-xenarju ta' stress ta' kuljum ta' istituzzjoni kkalkulata f'konformità mat-Taqsima 5 għal kull waħda mis-sittin ġurnata tax-xogħol preċedenti (SSmedja).
Meta tikkalkula r-rekwiżiti ta' fondi proprji għar-riskju tas-suq bl-użu ta' mudell intern f'konformità mal-ewwel subparagrafu, istituzzjoni ma għandhiex tinkludi l-firxiet tal-kreditu tagħha stess fil-kalkolu tal-miżuri msemmija fil-punti (a) u (b) għal pożizzjonijiet fl-istrumenti tad-dejn proprji tal-istituzzjoni.
|
|
Artikolu 325ba 2.
|
L-istituzzjonijiet li għandhom pożizzjonijiet fi strumenti ta' dejn u ekwità negozjati li jkunu inklużi fil-kamp ta' applikazzjoni tal-mudell intern tar-riskju ta' inadempjenza u assenjati għall-postijiet tan-negozjar imsemmija fil-paragrafu 1 għandhom jissodisfaw rekwiżit ta' fondi proprji addizzjonali, espress bħala l-ogħla mill-valuri li ġejjin:
(a)
l-iktar rekwiżit reċenti ta' fondi proprji għar-riskju ta' inadempjenza, ikkalkulat f'konformità mat-Taqsima 3;
(b)
il-medja tal-ammont imsemmi fil-punt (a) matul it-12-il ġimgħa ta' qabel.
B'deroga mill-ewwel subparagrafu, istituzzjoni ma għandhiex tkun soġġetta għar-rekwiżit ta' fondi proprji addizzjonali għall-parteċipazzjonijiet tal-istrumenti ta' dejn proprji tagħha.
|
|
Artikolu 325ba 3.
|
Istituzzjoni li tuża mudell intern alternattiv għandha tikkalkula r-rekwiżiti ta' fondi proprji totali għar-riskju tas-suq għall-pożizzjonijiet kollha tal-portafoll tan-negozjar u għall-pożizzjonijiet kollha tal-portafoll mhux tan-negozjar li jiġġeneraw riskju tal-kambju jew riskju tal-komoditajiet f'konformità mal-formula li ġejja:
fejn:
|
AIMA
|
= is-somma tar-rekwiżiti ta' fondi proprji msemmija fil-paragrafi 1 u 2;
|
|
PLAaddon
|
= ir-rekwiżit ta' fondi proprji addizzjonali msemmi fl-Artikolu 325bg(2);
|
|
ASAnon-aima
|
= ir-rekwiżiti ta' fondi proprji għar-riskju tas-suq kif ikkalkulati skont l-approċċ standardizzat alternattiv imsemmi fl-Artikolu 325(1), punt (a) għall-portafoll tal-pożizzjonijiet tal-portafoll tan-negozjar u tal-pożizzjonijiet tal-portafoll mhux tan-negozjar li jiġġeneraw riskju tal-kambju jew riskju tal-komoditajiet li għalihom l-istituzzjoni tkun tuża l-approċċ standardizzat alternattiv sabiex tikkalkula r-rekwiżiti ta' fondi proprji għar-riskju tas-suq;
|
|
ASAallportfolio
|
= ir-rekwiżiti ta' fondi proprji għar-riskju tas-suq kif ikkalkulati skont l-approċċ standardizzat alternattiv imsemmi fl-Artikolu 325(1), il-punt (a), għall-portafoll tal-pożizzjonijiet kollha tal-portafoll tan-negozjar u għall-pożizzjonijiet kollha tal-portafoll mhux tan-negozjar li jiġġeneraw riskju tal-kambju jew riskju tal-komoditajiet;
|
|
ASAaima
|
= ir-rekwiżiti ta' fondi proprji għar-riskju tas-suq kif ikkalkulati skont l-approċċ standardizzat alternattiv imsemmi fl-Artikolu 325(1), il-punt (a), għall-portafoll tal-pożizzjonijiet tal-portafoll tan-negozjar u tal-pożizzjonijiet tal-portafoll mhux tan-negozjar li jiġġeneraw riskju tal-kambju jew riskju tal-komoditajiet li għalihom l-istituzzjoni tkun tuża l-approċċ imsemmi fl-Artikolu 325(1), il-punt (b), sabiex tikkalkula r-rekwiżiti ta' fondi proprji għar-riskju tas-suq.
|
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 01.01.2027 00:00:00 -Doknr: CELEX:32013R0575
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|