Artikolu 7 Prinċipji ġenerali rigward it-teħid ta’ deċiżjonijiet

li jiġu żgurati l-effikaċja u l-proporzjonalità ta’ kwalunkwe deċiżjoni jew azzjoni fir-rigward ta’ CCP individwali, billi jiġu kkunsidrati tal-inqas il-fatturi li ġejjin:

jiġu osservati l-imperattivi tal-effikaċja, il-prontezza, l-urġenza dovuta fit-teħid ta’ deċiżjonijiet, fejn meħtieġ, u li l-ispejjeż jinżammu baxxi kemm jista’ jkun meta jittieħdu d-deċiżjonijiet u tittieħed azzjoni, filwaqt li fl-istess ħin jiġi żgurat li t-tfixkil fis-suq jitnaqqas kemm jista’ jkun;

l-użu tal-għajnuna finanzjarja pubblika straordinarja jiġi evitat kemm jista’ jkun, din l-għajnuna tkun disponibbli u tintuża biss fl-aħħar istanza u skont il-kundizzjonijiet stabbiliti fl-Artikolu 45, u ma tinħoloq ebda aspettattiva ta’ għajnuna finanzjarja pubblika;

l-awtoritajiet ta’ riżoluzzjoni, l-awtoritajiet kompetenti u awtoritajiet oħrajn jikkooperaw ma’ xulxin biex jiżguraw li d-deċiżjonijiet u l-azzjoni jittieħdu b’mod ikkoordinat u effiċjenti;

ir-rwoli u r-responsabbiltajiet tal-awtoritajiet rilevanti f’kull Stat Membru jiġu definiti b’mod ċar;

l-interessi tal-Istati Membri li fihom is-CCP tipprovdi s-servizzi tagħha u fejn ikunu stabbiliti l-membri tal-ikklerjar tagħha, u sakemm tkun disponibbli l-informazzjoni, il-klijenti u l-klijenti indiretti tagħhom, inkluż fejn dawk il-klijenti u l-klijenti indiretti maħtura mill-Istati Membri bħala O-SIIs,, u tkun stabbilita kwalunkwe FMI konnessa, inkluż CCPs interoperabbli, u b’mod partikolari, l-impatt ta’ kwalunkwe deċiżjoni jew azzjoni jew nuqqas ta’ azzjoni fuq l-istabbiltà finanzjarja jew ir-riżorsi fiskali ta’ dawk l-Istati Membri u tal-Unjoni kollha kemm hi;

l-awtoritajiet ta’ riżoluzzjoni u l-kulleġġi ta’ riżoluzzjoni la jkunu jistgħu jeżiġu li l-Istati Membri jipprovdu għajnuna finanzjarja pubblika straordinarja, u lanqas jinterferixxu mas-sovranità baġitarja u r-responsabbiltajiet fiskali tal-Istati Membri;

l-interessi tal-membri tal-ikklerjar affettwati, u sakemm tkun disponibbli l-informazzjoni, il-klijenti u l-klijenti indiretti tagħhom, kredituri u partijiet ikkonċernati oħra tas-CCP fl-Istati Membri involuti jeħtieġ li jiġu bbilanċjati billi jiġi evitat li jiġu ppreġudikati jew protetti b’mod inġust l-interessi ta’ atturi partikolari u tiġi evitata allokazzjoni inġusta tal-piż;

kwalunkwe obbligu skont dan ir-Regolament li tiġi kkonsultata awtorità qabel ma tittieħed deċiżjoni jew azzjoni jimplika mill-inqas obbligu li ssir konsultazzjoni dwar dawk l-elementi tad-deċiżjoni jew tal-azzjoni proposta li jkollhom jew li x’aktarx ikollhom effett fuq il-membri tal-ikklerjar, il-klijenti, l-FMIs konnessi jew iċ-ċentri tan-negozjar jew impatt fuq l-istabbiltà finanzjarja tal-Istat Membru fejn jinsabu jew ikunu stabbiliti il-membri tal-ikklerjar, il-klijenti, l-FMIs konnessi jew iċ-ċentri tan-negozjar;

meta awtorità tqajjem kwistjoni dwar l-istabbiltà finanzjarja tal-Istat Membru tagħha, l-awtorità ta’ riżoluzzjoni u l-kulleġġ ta’ riżoluzzjoni tas-CCP jikkunsidrawha bir-reqqa u jekk ma jqisux it-tħassib espress, jispjegaw bil-miktub ir-raġunijiet għalfejn dan ma jkunx seħħ;

il-pjanijiet ta’ riżoluzzjoni msemmija fl-Artikolu 12 jiġu rrispettati, dment li, b’kont meħud taċ-ċirkostanzi tal-każ, ma tkunx meħtieġa devjazzjoni minn dawk il-pjanijiet sabiex ikunu jistgħu jintlaħqu aħjar l-objettivi tar-riżoluzzjoni;

tiġi żgurata t-trasparenza fil-konfront tal-awtoritajiet rilevanti kull meta possibbli, u fi kwalunkwe każ meta deċiżjoni jew azzjoni proposta x’aktarx li jkollha implikazzjonijiet fuq l-istabbiltà finanzjarja jew ir-riżorsi fiskali ta’ kwalunkwe Stat Membru rilevanti;

huma jikkoordinaw u jikkooperaw kemm jista’ jkun mill-qrib, anki bil-għan li jbaxxu l-ispiża kumplessiva tar-riżoluzzjoni; u

dawn li ġejjin għandhom jinżammu għall-minimu, kemm jista’ jkun possibbli: l-effetti ekonomiċi u soċjali negattivi, inkluż l-impatti negattivi fuq l-istabbiltà finanzjarja, ta’ kwalunkwe deċiżjoni fuq l-Istati Membri kollha li fihom is-CCP tipprovdi s-servizzi tagħha u fejn il-membri tal-ikklerjar tagħha, u sakemm tkun disponibbli l-informazzjoni, il-klijenti u l-klijenti indiretti tagħhom, inkluż fejn dawk il-klijenti u l-klijenti indiretti huma maħtura mill-Istati Membri bħala O-SIIs,, u kwalunkwe FMI konnessa, inkluż CCPs interoperabbli, huma stabbiliti.