+Artikolu 17a Proċedura aċċellerata għall-awtorizzazzjoni ta’ estensjoni ta’ awtorizzazzjoni
---+Artikolu 17a 1.
---+Artikolu 17a 2.
---+Artikolu 17a 3.
---+Artikolu 17a 4.
---+Artikolu 17a 5.

Artikolu 17a Proċedura aċċellerata għall-awtorizzazzjoni ta’ estensjoni ta’ awtorizzazzjoni

1. Ħarsa ġenerali

,
Artikolu 17a 1.

Proċedura aċċellerata għall-awtorizzazzjoni ta’ estensjoni ta’ awtorizzazzjoni għandha tapplika meta CCP ikollha l-ħsieb li testendi n-negozju tagħha għal servizzi jew attivitajiet addizzjonali kif imsemmi fl-Artikolu 15 u meta tali estensjoni tissodisfa l-kundizzjonijiet kollha li ġejjin:

(a) 

ma twassalx biex is-CCP tkun teħtieġ tadatta b’mod sinifikanti l-istruttura operattiva tagħha, fi kwalunkwe punt fiċ-ċiklu tal-kuntratt;

(b) 

ma tinkludix li toffri l-ikklerjar ta’ kuntratti li ma jistgħux jiġu likwidati bl-istess mod bħall-kuntratti diġà kklerjati mis-CCP jew flimkien mal-kuntratti diġà kklerjati mis-CCP;

(c) 

ma tirriżultax li s-CCP tkun teħtieġ tqis l-ispeċifikazzjonijiet tal-kuntratt materjali ġodda;

(d) 

ma tirriżultax fl-introduzzjoni ta’ riskji materjali ġodda jew iżżid b’mod sinifikanti l-profil tar-riskju tas-CCP;

(e) 

ma tinkludix li toffri mekkaniżmu jew servizz ġdid ta’ saldu jew ta’ konsenja li jinvolvi l-istabbiliment ta’ rabtiet ma’ sistema differenti ta’ saldu tat-titoli, depożitorju ta’ sigurtà ċentrali jew sistema ta’ pagament li s-CCP ma kinitx tuża qabel.
Artikolu 17a 2.
CCP li tippreżenta applikazzjoni għal estensjoni tal-awtorizzazzjoni eżistenti tagħha għal servizzi jew attivitajiet tal-ikklerjar addizzjonali skont il-proċedura aċċellerata stabbilita f’dan l-Artikolu, għandha turi li l-estensjoni proposta tan-negozju tagħha għal servizzi jew attivitajiet ta’ kklerjar addizzjonali tikkwalifika li tiġi vvalutata skont tali proċedura.

Is-CCP għandha tippreżenta l-applikazzjoni tagħha għal estensjoni f’format elettroniku permezz tal-bażi tad-data ċentrali u għandha tipprovdi l-informazzjoni kollha, skont l-Artikolu 15(3) u (4), meħtieġa sabiex turi li tkun stabbiliet, fil-mument tal-awtorizzazzjoni, l-arranġamenti kollha meħtieġa sabiex tissodisfa r-rekwiżiti rilevanti stipulati f’dan ir-Regolament. Bi qbil mal-Artikolu 17c, konferma tar-riċevuta tal-applikazzjoni għandha tintbagħat permezz tal-bażi tad-data ċentrali, fi żmien jumejn tax-xogħol minn meta tiġi ppreżentata dik l-applikazzjoni.
Artikolu 17a 3.

Fi żmien 15-il jum tax-xogħol mill-konferma tar-riċevuta tal-applikazzjoni skont il-paragrafu 2 ta’ dan l-Artikolu, l-awtorità kompetenti tas-CCP għandha, wara li tikkunsidra l-kontribut mill-AETS u mill-kulleġġ imsemmi fl-Artikolu 18, tiddeċiedi:

(a) 

jekk l-applikazzjoni tikkwalifikax biex tiġi vvalutata skont il-proċedura aċċellerata stabbilita f’dan l-Artikolu; u

(b) 

fejn l-applikazzjoni tikkwalifika biex tiġi vvalutata skont il-proċedura aċċellerata stabbilita f’dan l-Artikolu, jekk għandhiex:

(i) 

tagħti l-estensjoni tal-awtorizzazzjoni meta s-CCP tikkonforma ma’ dan ir-Regolament; jew

(ii) 

tirrifjuta l-estensjoni tal-awtorizzazzjoni meta s-CCP ma tikkonformax ma’ dan ir-Regolament.

Meta CCP tapplika għal estensjoni tal-awtorizzazzjoni skont l-Artikolu 15, l-awtorità kompetenti tas-CCP tista’ tiddependi fuq parti mill-valutazzjoni li tkun saret qabel skont dan l-Artikolu sal-punt li l-applikazzjoni għal estensjoni ma tirriżultax f’bidla jew b’xi mod ieħor taffettwa l-valutazzjoni preċedenti għal dik il-parti. Is-CCP għandha tikkonferma lill-awtorità kompetenti tas-CCP li ma hemm l-ebda bidla fil-fatti sottostanti tal-parti tal-valutazzjoni li l-AETS tagħżel li tistrieħ fuqha.

Meta l-awtorità kompetenti tkun iddeċidiet li l-estensjoni tal-awtorizzazzjoni ma tikkwalifikax biex tiġi vvalutata skont il-proċedura aċċellerata, l-applikazzjoni tas-CCP għandha tiġi miċħuda.

Meta l-awtorità kompetenti tkun iddeċidiet li ma tagħtix l-estensjoni tal-awtorizzazzjoni, l-estensjoni tal-awtorizzazzjoni għandha tiġi rrifjutata.
Artikolu 17a 4.
L-awtorità kompetenti tas-CCP għandha tinnotifika lis-CCP applikanti bil-miktub, permezz tal-bażi tad-data ċentrali, fil-perjodu ta’ żmien iddikjarat fil-paragrafu 3, bid-deċiżjoni tagħha skont dak il-paragrafu.
Artikolu 17a 5.
L-AETS, f’kooperazzjoni mill-qrib mas-SEBĊ, għandha tiżviluppa abbozz ta’ standards tekniċi regolatorji biex tispeċifika aktar il-kundizzjonijiet imsemmija fil-paragrafu 1, il-punti (a) sa (e) ta’ dan l-Artikolu, u biex tispeċifika l-proċedura għall-konsultazzjoni mal-AETS u l-kulleġġ imsemmi fl-Artikolu 18 skont il-paragrafu 3 ta’ dan l-Artikolu dwar jekk dawk il-kundizzjonijiet humiex issodisfati jew le.

Fl-ispeċifikazzjoni ulterjuri tal-kundizzjonijiet skont l-ewwel subparagrafu, l-AETS għandha tistabbilixxi l-metodoloġija li għandha tintuża u l-parametri li għandhom japplikaw biex jiġi deċiż meta kundizzjoni titqies li ġiet issodisfata. L-AETS għandha telenka u tispeċifika wkoll jekk hemmx estensjonijiet tipiċi ta’ servizzi u attivitajiet li fil-prinċipju jistgħu jitqiesu li jaqgħu taħt il-proċedura aċċellerata stabbilita f’dan l-Artikolu.

L-AETS għandha tippreżenta l-abbozzi ta’ standards tekniċi regolatorji msemmija fl-ewwel subparagrafu lill-Kummissjoni sal-25 ta’ Diċembru 2025.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1095/2010.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.01.2027 00:00:00 -Doknr: CELEX:32012R0648
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.