Artikolu 17b Proċedura sabiex jiġi adottati deċiżjonijiet, rapporti u miżuri oħrajn

It-talba għal opinjoni msemmija fl-ewwel subparagrafu ta’ dan il-paragrafu, flimkien mad-dokumenti rilevanti kollha, għandha tiġi kondiviża minnufih mal-AETS u mal-Kulleġġ imsemmi fl-Artikolu 18.

Għall-finijiet tal-ewwel subparagrafu, il-punt (b), ta’ dan il-paragrafu, meta l-abbozz tad-deċiżjoni, rapport jew miżura oħra ppreżentata lill-AETS f’konformità ma’ dak il-punt juri nuqqas ta’ konverġenza jew ta’ koerenza fl-applikazzjoni ta’ dan ir-Regolament, l-AETS għandha toħroġ linji gwida jew rakkomandazzjonijiet biex tippromwovi l-konsistenza jew il-koerenza meħtieġa fl-applikazzjoni ta’ dan ir-Regolament skont l-Artikolu 16 tar-Regolament (UE) Nru 1095/2010. Meta l-AETS tadotta opinjoni f’konformità mal-punt (b), l-awtorità kompetenti għandha tagħtiha l-konsiderazzjoni dovuta u għandha tinforma lill-AETS dwar kwalunkwe azzjoni jew nuqqas ta’azzjoni sussegwenti fir-rigward tagħha.

L-AETS u l-kulleġġ imsemmi fl-Artikolu 18 għandhom jadottaw l-opinjonijiet tagħhom sal-iskadenza pprovduta mill-awtorità kompetenti tas-CCP, li għandha tkun mill-inqas 15-il jum tax-xogħol wara li jirċievu d-dokumenti rilevanti skont il-paragrafu 2 ta’ dan l-Artikolu.

Meta d-deċiżjoni, ir-rapport jew il-miżura oħra ma tirriflettix l-opinjoni tal-AETS jew tal-kulleġġ imsemmi fl-Artikolu 18, inkluża kwalunkwe kundizzjoni jew rakkomandazzjoni li tinsab fiha, din għandu jkun fiha raġunijiet sħaħ u spjegazzjoni ta’ kwalunkwe devjazzjoni sinifikanti minn dik l-opinjoni jew minn dawk il-kundizzjonijiet jew rakkomandazzjonijiet.

Għall-fini tal-paragrafu 3, l-ewwel subparagrafu, il-punti (a) u (b), ta’ dan l-Artikolu, meta l-awtorità kompetenti tal-kontraparti ċentrali ma tikkonformax jew ma jkollhiex l-intenzjoni li tikkonforma mal-opinjoni tal-AETS jew ma’ kwalunkwe kundizzjoni jew rakkomandazzjoni inklużi fiha, l-AETS għandha tinforma lill-Bord tas-Superviżuri tagħha f’konformità mal-Artikolu 24a. L-informazzjoni għandha tinkludi wkoll ir-raġunament mill-awtorità kompetenti tas-CCP għan-nuqqas ta’ konformità jew għall-intenzjoni tagħha li ma tikkonformax.

L-awtorità kompetenti tas-CCP għandha tadotta d-deċiżjonijiet, ir-rapporti jew miżuri oħra tagħha f’konformità mal-Artikoli rilevanti stabbiliti fil-paragrafu 1 ta’ dan l-Artikolu.