Artikolu 12 2

(a)

persuni li jaġixxu għall-fini ta' ġurnaliżmu, rappurtar jew kwalunkwe forma oħra ta' espressjoni fil-media, li jkunu marbuta mal-prevenzjoni jew il-ġlieda kontra l-ħasil tal-flus, ir-reati predikati tiegħu jew il-finanzjament tat-terroriżmu;

(b)

organizzazzjonijiet tas-soċjetà ċivili, inkluż organizzazzjonijiet mhux governattivi u akkademiċi, li jkunu marbuta mal-prevenzjoni jew il-ġlieda kontra l-ħasil tal-flus, ir-reati predikati tiegħu jew il-finanzjament tat-terroriżmu;

(c)

persuni fiżiċi jew ġuridiċi li x'aktarx jidħlu fi tranżazzjoni ma' entità ġuridika jew arranġament ġuridiku u li jixtiequ jipprevjenu kwalunkwe rabta bejn tali tranżazzjoni u l-ħasil tal-flus, ir-reati predikati tiegħu jew l-finanzjament tat-terroriżmu;

(d)

entitajiet soġġetti għar-rekwiżiti tal-AML/CFT f'pajjiżi terzi, dment li jkunu jistgħu juru l-ħtieġa li jaċċessaw l-informazzjoni msemmija fil-paragrafu 1 b'rabta ma' entità ġuridika jew arranġament ġuridiku biex iwettqu d-diliġenza dovuta fir-rigward tal-klijenti fejn jikkonċerna klijent jew klijent prospettiv skont ir-rekwiżiti tal-AML/CFT f'dawk il-pajjiżi terzi;

(e)

kontropartijiet ta' pajjiżi terzi tal-awtoritajiet kompetenti tal-Unjoni fil-qasam tal-AML/CFT, dment li jkunu jistgħu juru l-ħtieġa li jaċċessaw l-informazzjoni msemmija fil-paragrafu 1 b'rabta ma' entità ġuridika jew arranġament ġuridiku biex iwettqu l-kompiti tagħhom skont l-oqfsa fil-qasam tal-AML/CFT ta' dawk il-pajjiżi terzi fil-kuntest ta' każ speċifiku;

(f)

awtoritajiet tal-Istat Membru responsabbli għall-implimentazzjoni tat-Titolu I, il-Kapitoli II u III tad-Direttiva (UE) 2017/1132, b'mod partikolari l-awtoritajiet responsabbli għar-reġistrazzjoni tal-kumpaniji fir-reġistru msemmi fl-Artikolu 16 ta' dik id-Direttiva, u l-awtoritajiet tal-Istati Membri responsabbli għall-iskrutinju tal-legalità tal-konverżjonijiet, il-fużjonijiet u d-diviżjonijiet ta' kumpaniji b'responsabbiltà limitata skont it-Titolu II ta' dik id-Direttiva;

(g)

awtoritajiet ta' programmi identifikati mill-Istati Membri skont l-Artikolu 71 tar-Regolament (UE) 2021/1060, fir-rigward tal-benefiċjarji tal-fondi tal-Unjoni;

(h)

awtoritajiet pubbliċi li jimplimentaw il-Faċilità għall-Irkupru u r-Reżiljenza skont ir-Regolament (UE) 2021/241, fir-rigward tal-benefiċjarji taħt il-Faċilità;

(i)

awtoritajiet pubbliċi tal-Istati Membri fil-kuntest ta' proċeduri ta' akkwist pubbliku, fir-rigward tal-offerenti u l-operaturi li jingħataw il-kuntratt skont il-proċedura ta' akkwist pubbliku;

(j)

fornituri ta' prodotti tal-AML/CFT, sal-punt strett fejn il-prodotti żviluppati abbażi tal-informazzjoni msemmija fil-paragrafu 1 jew li jkun fihom dik l-informazzjoni jiġu pprovduti biss lil klijenti li jkunu entitajiet marbutin b'obbligu jew awtoritajiet kompetenti, dment li dawk il-fornituri jkunu jistgħu juru l-ħtieġa li jaċċessaw l-informazzjoni msemmija fil-paragrafu 1 fil-kuntest ta' kuntratt ma' entità marbuta b'obbligu jew awtorità kompetenti.