Artikolu 12 Regoli speċifiċi dwar l-aċċess għar-reġistri tas-sjieda benefiċjarja għall-persuni b'interess leġittimu

1.   L-Istati Membri għandhom jiżguraw li kwalunkwe persuna fiżika jew ġuridika li tista' turi interess leġittimu fil-prevenzjoni ta' ħasil tal-flus, tar-reati predikati tiegħu u tal-finanzjament tat-terroriżmu, u mal-ġlieda kontrihom, ikollha aċċess għall-informazzjoni li ġejja dwar is-sidien benefiċjarji ta' entitajiet ġuridiċi u arranġamenti ġuridiċi miżmuma fir-reġistri ċentrali interkonnessi msemmija fl-Artikolu 10, mingħajr ma jingħata ħjiel lill-entità ġuridika jew lill-arranġament ġuridiku kkonċernat:

Minbarra l-informazzjoni msemmija fl-ewwel subparagrafu ta’ dan il-paragrafu, l-Istati Membri għandhom jiżguraw li kwalunkwe persuna fiżika jew ġuridika msemmija fil-paragrafu 2, il-punti (a), (b) u (e), jkollhawkoll aċċess għal informazzjoni storika dwar is-sjieda benefiċjarja tal-entità ġuridika jew tal-arranġament ġuridiku, inkluż ta' entitajiet ġuridiċi jew arranġamenti ġuridiċi li ġew xolti jew li ma baqgħux jeżistu fil-ħames snin preċedenti, kif ukoll deskrizzjoni tal-istruttura ta' kontroll jew sjieda.

L-aċċess skont dan il-paragrafu għandu jingħata permezz ta' mezzi elettroniċi. Madankollu, l-Istati Membri għandhom jiżguraw li l-persuni fiżiċi u ġuridiċi li jistgħu juru interess leġittimu jkunu jistgħu jaċċessaw ukoll l-informazzjoni f'formati oħra jekk ma jkunux jistgħu jużaw mezzi elettroniċi.

2.   Il-persuni fiżiċi jew ġuridiċi li ġejjin għandhom jitqiesu li għandhom interess leġittimu biex jaċċessaw l-informazzjoni elenkata fil-paragrafu 1:

Minbarra l-kategoriji identifikati skont l-ewwel subparagrafu, l-Istati Membri għandhom jiżguraw ukoll li persuni oħra li jkunu jistgħu juru interess leġittimu fir-rigward tal-iskop li jipprevjenu u jiġġieldu l-ħasil tal-flus, ir-reati predikati tiegħu u l-finanzjament tat-terroriżmu, jingħataw aċċess għall-informazzjoni dwar is-sjieda benefiċjarja skont il-każ.

3.   Sal-10 ta’ Lulju 2026, l-Istati Membri għandhom jinnotifikaw lill-Kummissjoni:

L-Istati Membri għandhom jinnotifikaw lill-Kummissjoni bi kwalunkwe bidla jew żieda għall-kategoriji msemmija fl-ewwel subparagrafu mingħajr dewmien, u fi kwalunkwe każ fi żmien xahar minn meta din isseħħ.

Il-Kummissjoni għandha tagħmel disponibbli għall-Istati Membri l-oħra l-informazzjoni riċevuta skont dan il-paragrafu.

4.   L-Istati Membri għandhom jiżguraw li r-reġistri ċentrali jżommu rekords tal-persuni li jaċċessaw l-informazzjoni skont dan l-Artikolu u jkunu jistgħu jiddivulgawhom lis-sidien benefiċjarji meta jippreżentaw talba skont l-Artikolu 15(1), il-punt (c), tar-Regolament (UE) 2016/679.

Madankollu, l-Istati Membri għandhom jiżguraw li l-informazzjoni pprovduta mir-reġistri ċentrali ma twassalx għall-identifikazzjoni ta’ kwalunkwe persuna li tikkonsulta r-reġistru fejn tali persuni jkunu:

Barra minn hekk, l-Istati Membri għandhom jiżguraw li l-entitajiet responsabbli għar-reġistri ċentrali jżommu lura milli jiddivulgaw l-identità ta’ kwalunkwe kontroparti ta' pajjiż terz tal-awtoritajiet kompetenti tal-Unjoni fil-qasam tal-AML/CFT imsemmija fl-Artikolu 2(1), il-punt 44(a) u (c), tar-Regolament (UE) 2024/1624, sakemm ikun meħtieġ biex jiġu protetti l-analiżijiet jew l-investigazzjonijiet ta' dik l-awtorità.

B'rabta mal-persuni msemmija fil-punti (a) u (b) tat-tieni subparagrafu ta’ dan il-paragrafu, l-Istati Membri għandhom jiżguraw li meta s-sidien benefiċjarji jippreżentaw talba skont l-Artikolu 15(1), il-punt (c), tar-Regolament (UE) 2016/679, dawn jingħataw informazzjoni dwar il-funzjoni jew l-okkupazzjoni tal-persuni li jkunu kkonsultaw l-informazzjoni dwar is-sjieda benefiċjarja tagħhom.

Għall-finijiet tat-tielet subparagrafu, meta jitolbu aċċess għall-informazzjoni dwar is-sjieda benefiċjarja skont dan l-Artikolu, l-awtoritajiet għandhom jindikaw il-perjodu li għalih jitolbu lir-reġistri ċentrali biex iżommu lura mid-divulgazzjoni, li m'għandux jaqbeż il-5 snin, u r-raġunijiet għal dik ir-restrizzjoni, inkluż kif l-għoti tal-informazzjoni jipperikola l-iskop tal-analiżi u l-investigazzjonijiet tagħhom. L-Istati Membri għandhom jiżguraw li, meta r-reġistri ċentrali ma jiddivulgawx l-identità tal-entità li tkun ikkonsultat l-informazzjoni dwar is-sjieda benefiċjarja, kwalunkwe estensjoni ta' dak il-perjodu għandha tingħata biss abbażi ta' talba ġustifikata mill-awtorità fil-pajjiż terz, għal perjodu massimu ta' sena, li warajh għandha tiġi ppreżentata talba ġustifikata ġdida għal estensjoni minn dik l-awtorità.