4. Meta Stat Membru jkun inkariga s-superviżjoni ta' kategorija ta' entitajiet marbutin b'obbligu lil aktar minn superviżur wieħed, huwa għandu jiżgura li dawk is-superviżuri jissorveljaw l-entitajiet marbuta b’obbligu b'mod konsistenti u effiċjenti fis-settur kollu. Għal dak l-għan, l-Istat Membru għandu jaħtar superviżur ewlieni jew jistabbilixxi mekkaniżmu ta' koordinazzjoni fost dawk is-superviżuri.
Meta lStat Membru jkun inkariga s-superviżjoni tal-entitajiet kollha marbutin b'obbligu lil aktar minn superviżur wieħed, hu għandu jistabbilixxi mekkaniżmu ta' koordinazzjoni bejn dawk is-superviżuri biex tiġi żgurata li l-entitajiet marbutin b’obbligu jkunu sorveljati b’mod effettiv bl-ogħla standards. Tali mekkaniżmu ta' koordinazzjoni għandu jinkludi s-superviżuri kollha, ħlief fejn:
|
(a)
|
is-superviżjoni tiġi fdata lil korp ta' awtoregolamentazzjoni, f'liema każ l-awtorità pubblika msemmija fl-Artikolu 52 għandha tipparteċipa fil-mekkaniżmu ta’ koordinazzjoni;
|
|
(b)
|
is-superviżjoni ta' kategorija ta' entitajiet marbutin b'obbligu tiġi fdata lil diversi superviżuri, f'liema każ is-superviżur ewlieni għandu jipparteċipa fil-mekkaniżmu ta’ koordinazzjoni; fejn ma jkun inħatar l-ebda superviżur ewlieni, is-superviżuri għandhom jaħtru rappreżentant fosthom.
|