Artikolu 37 Setgħat u riżorsi tas-superviżuri nazzjonali

1.   Kull Stat Membru għandu jiżgura li l-entitajiet kollha marbutin b'obbligu stabbiliti fit-territorju tiegħu, ħlief għaċ-ċirkostanzi koperti fl-Artikolu 38, ikunu soġġetti għal superviżjoni adegwata u effettiva. Għal dak l-għan, kull Stat Membru għandu jaħtar superviżur wieħed jew aktar biex jimmonitorja b'mod effettiv, u biex jieħu l-miżuri meħtieġa biex jiżgura il-konformità tal-entitajiet marbutin b'obbligu mar- Regolamenti (UE) 2024/1624 u (UE) 2023/1113.

Meta, għal raġunijiet ta' interess ġenerali prevalenti, l-Istati Membri jkunu introduċew rekwiżiti speċifiċi ta' awtorizzazzjonijiet għall-entitajiet marbutin b'obbligu biex joperaw fit-territorju tagħhom bil-libertà li jipprovdu servizzi, huma għandhom jiżguraw li l-attivitajiet li jitwettqu mill-entitajiet marbutin b’obbligu skont dawk l-awtorizzajonijiet speċifiċi jkunu soġġetti għal superviżjoni mis-superviżuri nazzjonali tagħhom, irrispettivament minn jekk l-attivitajiet awtorizzati jitwettqux permezz ta' infrastruttura fit-territorju tagħhom jew mill-bogħod. L-Istati Membri għandhom jiżguraw ukoll li s-superviżjoni skont dan is-subparagrafu tiġi nnotifikata lis-superviżuri tal-Istat Membru fejn ikun jinsab l-uffiċċju prinċipali tal-entità marbuta b'obbligu.

Dan il-paragrafu ma għandhomx japplika meta l-AMLA taġixxi bħala superviżur + .

2.   L-Istati Membri għandhom jiżguraw li s-superviżuri għandhom riżorsi finanzjarji, umani u tekniċi adegwati biex iwettqu l-kompiti tagħhom kif elenkati fil-paragrafu 5. L-Istati Membri għandhom jiżguraw li l-persunal ta' dawk l-awtoritajiet huma ta' integrità għolja u li għandhom ħiliet xierqa, u jżommu standards professjonali għoljin, inkluż standards ta' kunfidenzjalità, ta' protezzjoni tad-data u standards li jindirizzaw il-kunflitti ta' interess.

3.   Fil-każ tal-entitajiet marbutin b'obbligu msemmija fl-Artikolu 3, il-punti (3)(a) u (b), tar-Regolament (UE) 2024/1624, l-Istati Membri jistgħu jippermettu li l-funzjoni msemmija fil-paragrafu 1 ta' dan l-Artikolu titwettaq minn korpi ta' awtoregolamentazzjoni, dment li dawk il-korpi ta' awtoregolamentazzjoni jkollhom is-setgħat imsemmija fil-paragrafu 6 ta' dan l-Artikolu u jkollhom ir-riżorsi finanzjarji, umani u tekniċi adegwati biex iwettqu l-funzjonijiet tagħhom. L-Istati Membri għandhom jiżguraw li l-persunal ta' dawk il-korpi huma ta' integrità għolja u li għandhom ħiliet adegwati, u jżommu standards professjonali għoljin, inkluż standards ta' kunfidenzjalità, ta' protezzjoni tad-data u standards li jindirizzaw il-kunflitti ta' interess.

4.   Meta Stat Membru jkun inkariga s-superviżjoni ta' kategorija ta' entitajiet marbutin b'obbligu lil aktar minn superviżur wieħed, huwa għandu jiżgura li dawk is-superviżuri jissorveljaw l-entitajiet marbuta b’obbligu b'mod konsistenti u effiċjenti fis-settur kollu. Għal dak l-għan, l-Istat Membru għandu jaħtar superviżur ewlieni jew jistabbilixxi mekkaniżmu ta' koordinazzjoni fost dawk is-superviżuri.

Meta lStat Membru jkun inkariga s-superviżjoni tal-entitajiet kollha marbutin b'obbligu lil aktar minn superviżur wieħed, hu għandu jistabbilixxi mekkaniżmu ta' koordinazzjoni bejn dawk is-superviżuri biex tiġi żgurata li l-entitajiet marbutin b’obbligu jkunu sorveljati b’mod effettiv bl-ogħla standards. Tali mekkaniżmu ta' koordinazzjoni għandu jinkludi s-superviżuri kollha, ħlief fejn:

5.   Għall-finijiet tal-paragrafu 1, l-Istati Membri għandhom jiżguraw li s-superviżuri nazzjonali jwettqu l-kompiti li ġejjin:

6.   L-Istati Membri għandhom jiżguraw li s-superviżuri għandhom setgħat adegwati biex iwettqu l-kompiti tagħhom kif previst fil-paragrafu 5, fosthom is-setgħa li:

7.   L-Istati Membri għandhom jiżguraw li s-superviżuri finanzjarji u s-superviżuri responsabbli għall-fornituri tas-servizzi tal-logħob tal-azzard għandhom setgħat addizzjonali għal dawk imsemmija fil-paragrafu 6, inkluż is-setgħa li jispezjonaw il-bini tan-negozju tal-entità marbuta b'obbligu mingħajr preavviż meta t-twettiq korrett u l-effiċjenza ta’ ispezzjoni jeżiġu dan, u li għandhom il-mezzi kollha meħtieġa biex iwettqu tali spezzjoni.

Għall-finijiet tal-ewwel subparagrafu, is-superviżuri għandhom tal-anqas ikunu jistgħu: