|
+Artikolu 40a 1. |
Artikolu 40a 1.Stat Membru għandu jirrikjedi li impriża sussidjarja stabbilita fit-territorju tiegħu li l-impriża prinċipali apikali tagħha tkun irregolata mil-liġi ta’ pajjiż terz tippubblika u trendi aċċessibbli rapport dwar is-sostenibbiltà li jkopri l-informazzjoni speċifikata fil-punti (a)(iii) sa (a)(v), il-punti (b) sa (f) u, fejn xieraq, il-punt (h) tal-Artikolu 29a(2) fil-livell ta’ grupp ta’ dik l-impriża prinċipali apikali ta’ pajjiż terz. L-ewwel subparagrafu għandu japplika biss għal impriżi sussidjarji li, fid-dati tal-karta tal-bilanċ tagħhom, jaqbżu fatturat nett ta’ EUR 200 000 000 fis-sena finanzjarja preċedenti. Stat Membru għandu jirrikjedi li fergħa li tkun lokalizzata fit-territorju tiegħu, u li tkun fergħa ta’ impriża rregolata mil-liġi ta’ pajjiż terz, li jewma tkunx parti minn grupp jew fl-aħħar mill-aħħar tkun miżmuma minn impriża li tkun iffurmata f’konformità mal-liġi ta’ pajjiż terz, tippubblika u trendi aċċessibbli rapport dwar is-sostenibbiltà li jkopri l-informazzjoni speċifikata fil-punti (a)(iii) sa (a)(v), il-punti (b) sa (f) u, fejn xieraq, il-punt (h) tal-Artikolu 29a(2), fil-livell ta’ grupp, jew, jekk mhux applikabbli, il-livell individwali, tal-impriża ta’ pajjiż terz. Ir-regola msemmija fit-tielet subparagrafu għandha tapplika biss għal fergħa fejn l-impriża ta’ pajjiż terz ma jkollhiex impriża sussidjarja kif imsemmi fl-ewwel subparagrafu, u fejn il-fergħa tkun iġġenerat fatturat nett li jaqbeż EUR 200 000 000 fis-sena finanzjarja preċedenti. L-ewwel u t-tielet subparagrafi għandhom japplikaw biss għall-impriżi sussidjarji jew għall-fergħat imsemmija f’dawk is-subparagrafi fejn l-impriża ta’ pajjiż terz, fil-livell ta’ grupp tagħha, jew, jekk mhux applikabbli, il-livell individwali, tkun iġġenerat fatturat nett li jaqbeż EUR 450 000 000 fl-Unjoni għal kull waħda mill-aħħar sentejn finanzjarji konsekuttivi. L-Istati Membri jistgħu jirrikjedu li l-impriżi sussidjarji jew il-fergħat imsemmija fl-ewwel u t-tielet subparagrafi jibagħtulhom informazzjoni dwar il-fatturat nett iġġenerat fit-territorju tagħhom u fl-Unjoni mill-impriżi ta’ pajjiżi terzi. B’deroga mill-ewwel u t-tielet subparagrafi, meta l-impriża ta’ pajjiż terz tkun impriża holding finanzjarja li l-mudelli ta’ negozju u l-operazzjonijiet tal-impriżi sussidjarji tagħha jkunu indipendenti minn xulxin, l-Istati Membri għandhom jiżguraw li s-sussidjarji u l-fergħat ikunu jistgħu jiddeċiedu li ma jippubblikawx u ma jagħmlux aċċessibbli r-rapport dwar is-sostenibbiltà msemmi fl-ewwel u fit-tielet subparagrafi. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|