Artikolu 16 Derogi u frekwenza ta' rapportar imnaqqsa

1.   Sabiex tiġi żgurata l-proporzjonalità tal-obbligi tar-rapportar stabbiliti f'dan ir-Regolament, il-BĊN relevanti jista' jagħti derogi lil aġenti li jirrapportaw żgħar, iżda l-kontribuzzjoni kkombinata tal-aġenti kollha ta' rapportar li jingħataw deroga għall-ammont pendenti totali tas-self irrapportat bis-saħħa tar-Regolament (UE) Nru 1071/2013 tal-Bank Ċentrali Ewropew (BĊE/2013/33) (12) mill-aġenti kollha li jirraportaw residenti fl-Istat Membru li jirrapporta ma taqbiżx it-2 %. Id-derogi jistgħu jkopru wħud jew ir-rekwiżiti ta' rapportar kollha ddefiniti f'dan ir-Regolament.

2.   Biex jappoġġa l-implimentazzjoni tar-rekwiżiti ta' rapportar, il-BĊN relevanti jista' jippermetti lil aġenti li jirrapportaw żgħar id-dritt li jirrapportaw dejta tal-kreditu dwar id-dati ta' referenza tar-rapportar qabel l-1 ta' Jannar 2021 fuq bażi trimestrali minflok kull xahar, iżda l-kontribuzzjoni kkombinata tal-aġenti kollha ta' rapportar li jirrapportaw fuq bażi trimestrali għall-ammont pendenti totali tas-self rrapportat bis-saħħa tar-Regolament (UE) Nru 1071/2013 tal-Bank Ċentrali Ewropew (BĊE2013/33) mill-aġenti kollha li jirraportaw residenti fl-Istat Membru li jirrapporta ma taqbiżx l-4 %, bla ħsara għad-dejta tal-kreditu tagħhom li jirrapportaw taħt kull qafas legali ieħor.

3.   Il-BĊNi jistgħu jagħtu derogi lill-aġenti li jirrappurtaw sa fejn il-BĊNi jiksbu dejta minn sorsi oħrajn tal-kwalità u tat-tempestività meħtieġa skont l-Artikolu 14(3).

4.   Il-BĊNi għandhom jinfurmaw lill-aġenti li jirrapurtaw li ġejjin dwar l-obbligi li jirraportaw tagħhom skont l-Artikolu 13(3)