Artikolu 6

li tirrikjedi s-sottomissjoni ta’ informazzjoni jew dokumenti, inklużi spjegazzjonijiet bil-miktub jew orali, neċessarji għat-twettiq tal-funzjonijiet tagħha, inkluża informazzjoni statistika u informazzjoni rigward il-proċessi jew l-arranġamenti interni tas-superviżuri u l-awtoritajiet superviżorji nazzjonali, u li taċċessa u tislet dik l-informazzjoni mill-kwestjonarji strutturati komuni u għodod online u offline oħrajn żviluppati mill-Awtorità;

li toħroġ linji gwida u rakkomandazzjonijiet;

li toħroġ talbiet għal azzjoni u istruzzjonijiet dwar miżuri li jridu jittieħdu fir-rigward ta’ entitajiet marbuta b’obbligu mhux magħżula skont il-Kapitolu II, it-Taqsima 4;

li tagħmel medjazzjoni fuq talba ta’ superviżur finanzjarju jew superviżur mhux finanzjarju;

fuq it-talba tas-superviżuri finanzjarji, li ssolvi, b’effett vinkolanti, nuqqas ta’ qbil bejn is-superviżuri finanzjarji, inkluż fil-kuntest tal-kulleġġi superviżorji tal-AML/CFT.

li titlob data u analiżijiet mhux operazzjonali mill-FIUs, fejn ikunu neċessarji għall-valutazzjoni tat-theddid, il-vulnerabbiltajiet u r-riskji li qed jiffaċċja s-suq intern fir-rigward tal-ML/TF;

li tiġbor informazzjoni u statistika fir-rigward tal-kompiti u l-attivitajiet tal-FIUs;

li tikseb u tipproċessa l-informazzjoni u d-data meħtieġa biex tibda, twettaq u tikkoordina l-analiżijiet konġunti kif speċifikat fl-Artikolu 40;

li toħroġ linji gwida u rakkomandazzjonijiet.

li tiżviluppa abbozzi ta’ standards tekniċi regolatorji f’konformità mal-Artikolu 49;

li tiżviluppa abbozzi ta’ standards tekniċi ta’ implimentazzjoni f’konformità mal-Artikolu 53;

li toħroġ linji gwida u rakkomandazzjonijiet, kif previst fl-Artikolu 54;

li toħroġ opinjonijiet għall-Parlament Ewropew, għall-Kunsill u għall-Kummissjoni, kif previst fl-Artikolu 55.