Artikolu 102

il-ħtieġa possibbli li jiġi emendat il-mandat tal-Awtorità, u l-implikazzjonijiet finanzjarji ta’ kwalunkwe emenda bħal din;

l-impatt tal-attivitajiet u l-kompiti superviżorji kollha tal-Awtorità fuq l-interessi tal-Unjoni kollha kemm hi, u b’mod speċifiku l-effettività ta’:

l-impatt tal-attivitajiet relatati mal-appoġġ u l-koordinazzjoni tal-FIUs, u b’mod partikolari l-koordinazzjoni tal-analiżijiet konġunti tal-attivitajiet u t-tranżazzjonijiet transfruntiera mwettqa mill-FIUs;

l-imparzjalità, l-oġġettività u l-awtonomija tal-Awtorità;

l-adegwatezza tal-arranġamenti ta’ governanza, inklużi l-kompożizzjoni u l-arranġamenti tal-vot fil-Bord Eżekuttiv u r-relazzjoni tiegħu mal-Bord Ġenerali;

il-kosteffettività tal-Awtorità, jekk ikun xieraq, separatament fir-rigward tas-sorsi distinti ta’ finanzjament tagħha;

l-effettività tal-mekkaniżmu ta’ rikors kontra d-deċiżjonijiet tal-Awtorità u l-arranġamenti tal-indipendenza u tal-obbligu ta’ rendikont applikabbli għall-Awtorità;

l-effettività tal-arranġamenti ta’ kooperazzjoni u ta’ kondiviżjoni tal-informazzjoni bejn l-Awtorità u l-awtoritajiet mhux tal-AML/CFT;

l-interazzjoni bejn l-Awtorità u l-awtoritajiet u l-korpi superviżorji l-oħra tal-Unjoni, inklużi l-EBA, il-Europol, il-Eurojust, l-OLAF u l-UPPE;

l-ambitu tas-superviżjoni diretta u l-kriterji u l-metodoloġiji għall-valutazzjoni u l-għażla ta’ entitajiet għas-superviżjoni diretta;

l-effettività tas-setgħat superviżorji u ta’ sanzjonar tal-Awtorità;

l-effettività tal-prattiki superviżorji u l-konverġenza fihom, milħuqa mill-awtoritajiet superviżorji u r-rwol tal-Awtorità fihom.

ir-riżorsi tal-Awtorità jkunux adegwati biex hija twettaq ir-responsabbiltajiet tagħha;

ikunx xieraq li jingħataw kompiti superviżorji addizzjonali lill-Awtorità fir-rigward ta’ entitajiet marbuta b’obbligu fis-settur mhux finanzjarju, filwaqt li jiġi speċifikat, kif ikun xieraq, it-tipi ta’ entitajiet li għandhom ikunu soġġetti għal kompiti superviżorji addizzjonali;

ikunx xieraq li jingħataw kompiti addizzjonali fil-qasam tal-appoġġ u l-koordinazzjoni tal-ħidma tal-FIUs;

ikunx xieraq li l-Awtorità tingħata setgħat addizzjonali ta’ sanzjonar.