Artikolu 69-a Rieżami ieħor

l-impatt fuq l-istabbiltà finanzjarja tad-disponibbiltà u l-attivazzjoni tal-għodod għall-ġestjoni tal-likwidità mill-AIFMs;

l-effettività tar-rekwiżiti tal-awtorizzazzjoni tal-AIFM fl-Artikoli 7 u 8 fir-rigward tar-reġim ta’ delega stabbilit fl-Artikolu 20 ta’ din id-Direttiva, b’mod partikolari fir-rigward tal-prevenzjoni tal-ħolqien ta’ entitajiet kaxxa tal-ittri fl-Unjoni;

l-adegwatezza tar-rekwiżiti applikabbli għall-AIFMs li jimmaniġġaw AIFs li joriġinaw self stabbiliti fl-Artikolu 15 u l-Artikolu 16(2a) u (2f);

il-funzjonament tad-deroga li tippermetti l-ħatra ta’ depożitarju stabbilit fi Stat Membru ieħor kif stipulat fl-Artikolu 21(5a) u l-benefiċċji u r-riskji potenzjali, inkluż l-impatt fuq il-protezzjoni tal-investituri, fuq l-istabbiltà finanzjarja, fuq l-effiċjenza superviżorja u fuq id-disponibbiltà tal-għażliet tas-suq, tal-emendar tal-kamp ta’ applikazzjoni ta’ dik id-deroga f’konformità mal-objettivi tal-unjoni tas-swieq kapitali;

l-adegwatezza tar-rekwiżiti applikabbli għall-AIFMs li jimmaniġġaw AIF fuq l-inizjattiva ta’ parti terza kif stabbilit fl-Artikolu 14(2a) u l-ħtieġa għal salvagwardji addizzjonali biex tiġi evitata ċ-ċirkomvenzjoni ta’ dawk ir-rekwiżiti, u, b’mod partikolari, jekk id-dispożizzjonijiet ta’ din id-Direttiva dwar il-kunflitti ta’ interess humiex effettivi u xierqa sabiex jidentifikaw, jimmaniġġaw, jimmonitorjaw u, fejn applikabbli, jiżvelaw kunflitti ta’ interess li jirriżultaw mir-relazzjoni bejn l-AIFM u l-parti terza inizjatur;

l-adegwatezza u l-impatt fuq il-protezzjoni tal-investituri tal-ħatra ta’ tal-anqas direttur mhux eżekuttiv jew indipendenti wieħed għall-korp ta’ tmexxija tal-AIFM, fejn jimmaniġġa AIFs ikkummerċjalizzati lil investituri fil-livell tal-konsumatur.

jitnaqqsu l-partijiet fejn ikun hemm duplikazzjoni u inkonsistenzi bejn l-oqfsa ta’ rapportar fis-settur tal-ġestjoni tal-assi u f’setturi oħra tal-industrija finanzjarja; kif ukoll;

jittejbu l-istandardizzazzjoni tad-data u kif ikun hemm kondiviżjoni u użu effiċjenti tad-data diġà rrapportata fi ħdan kwalunkwe qafas ta’ rapportar tal-Unjoni minn kwalunkwe awtorità kompetenti rilevanti, kemm fil-livell tal-Unjoni kif ukoll dak nazzjonali.