Artikolu 9 6

(a)

sommarju tal-elementi ewlenin tal-pjan;

(b)

sommarju tal-bidliet materjali fl-impriża li seħħew minn meta kienet ippreżentata l-aħħar informazzjoni relatata mar-riżoluzzjoni;

(c)

turija ta' kif il-funzjonijiet kritiċi u l-linji ta' negozju ewlenin jistgħu legalment u ekonomikament jiġu sseparati, sal-punt neċessarju, minn funzjonijiet oħrajn sabiex tiġi żgurata l-kontinwità malli tfalli l-impriża;

(d)

identifikazzjoni ta' dawk l-assi li jkunu mistennijin jikkwalifikaw bħala kollateral;

(e)

stima tal-limitu ta' żmien għall-eżekuzzjoni ta' kull aspett materjali tal-pjan;

(f)

deskrizzjoni dettaljata tal-valutazzjoni tar-riżolvibbiltà, inkluż il-valutazzjoni tal-fattibbiltà u l-kredibbiltà tal-istralċ skont proċedimenti normali ta' insolvenza, imwettqa f'konformità mal-Artikolu 13;

(g)

deskrizzjoni ta' kwalunkwe miżura meħtieġa skont l-Artikolu 15 sabiex jiġu indirizzati jew jitneħħew l-impedimenti għar-riżolvibbiltà identifikati bħala riżultat tal-valutazzjoni mwettqa f'konformità mal-Artikolu 13;

(h)

spjegazzjoni dwar kif l-opzjonijiet ta' riżoluzzjoni jistgħu jiġu ffinanzjati mingħajr is-suppożizzjoni ta' kwalunkwe għajnuna finanzjarja pubblika straordinarja minbarra, fejn disponibbli, l-użu ta' skemi ta' garanzija tal-assigurazzjoni jew ta' kwalunkwe arranġament ta' finanzjament;

(i)

deskrizzjoni dettaljata tal-istrateġiji differenti ta' riżoluzzjoni li jistgħu jiġu applikati fid-dawl tax-xenarji differenti possibbli u tal-limiti ta' żmien applikabbli;

(j)

deskrizzjoni tal-interdependenzi ta' importanza kritika;

(k)

analiżi tal-impatt tal-pjan ta' riżoluzzjoni fuq l-impjegati tal-impriża, inkluż valutazzjoni ta' kwalunkwe kost assoċjat, u deskrizzjoni tal-proċeduri previsti sabiex jiġi kkonsultat il-persunal matul il-proċess ta' riżoluzzjoni, filwaqt li jiġu kkunsidrati s-sistemi nazzjonali għad-djalogu mas-sħab soċjali, fejn applikabbli;

(l)

pjan għall-komunikazzjoni mal-media u mal-pubbliku;

(m)

deskrizzjoni tal-operazzjonijiet u tas-sistemi essenzjali sabiex jinżamm il-funzjonament kontinwu tal-proċessi operazzjonali tal-impriża;

(n)

fejn applikabbli, kwalunkwe opinjoni espressa mill-impriża fir-rigward tal-pjan ta' riżoluzzjoni.