Artikolu 15 5

(a)

jirrikjedu li l-impriża tal-assigurazzjoni jew tar-riassigurazzjoni tirrevedi kwalunkwe ftehim ta' finanzjament intragrupp jew tirrieżamina n-nuqqas ta' ftehim bħalu, jew tfassal ftehimiet ta' servizz, kemm jekk intragrupp kif ukoll jekk ma' partijiet terzi;

(b)

jirrikjedu lill-impriża tal-assigurazzjoni jew tar-riassigurazzjoni tillimita l-iskoperturi individwali u skoperturi aggregati massimi tagħha;

(c)

jimponu rekwiżiti speċifiċi jew regolari tal-informazzjoni addizzjonali rilevanti għall-finijiet tar-riżoluzzjoni;

(d)

jirrikjedu li l-impriża tal-assigurazzjoni jew tar-riassigurazzjoni tiżvesti assi speċifiċi jew tirristruttura l-obbligazzjonijiet;

(e)

jirrikjedu li l-impriża tal-assigurazzjoni jew tar-riassigurazzjoni tillimita jew twaqqaf attivitajiet speċifiċi eżistenti jew proposti;

(f)

jirrestrinġu jew jipprevjenu l-iżvilupp ta' linji operatorji ġodda jew eżistenti jew il-bejgħ ta' prodotti ġodda jew eżistenti;

(g)

jirrikjedu li l-impriża tal-assigurazzjoni jew tar-riassigurazzjoni tbiddel l-istrateġija tar-riassigurazzjoni;

(h)

jirrikjedu bidliet fl-istrutturi legali jew operazzjonali tal-impriża tal-assigurazzjoni jew tar-riassigurazzjoni jew ta' kwalunkwe entità fi grupp, direttament jew indirettament taħt il-kontroll tagħha, sabiex titnaqqas il-kumplessità biex jiġi żgurat li l-funzjonijiet kritiċi jkunu jistgħu jiġu sseparati legalment u operazzjonalment minn funzjonijiet oħrajn permezz tal-applikazzjoni tal-għodod ta' riżoluzzjoni;

(i)

jirrikjedu lill-impriża tal-assigurazzjoni jew tar-riassigurazzjoni jew lil impriża prinċipali tistabbilixxi kumpanija holding prinċipali tal-assigurazzjoni fi Stat Membru jew kumpanija holding prinċipali tal-assigurazzjoni tal-Unjoni;

(j)

meta l-impriża tal-assigurazzjoni jew tar-riassigurazzjoni tkun l-impriża sussidjarja ta' kumpanija holding tal-assigurazzjoni ta' attivitajiet mħallta, tirrikjedi li l-kumpanija holding tal-assigurazzjoni ta' attivitajiet mħallta tistabbilixxi kumpanija holding tal-assigurazzjoni separata sabiex tikkontrolla l-impriża tal-assigurazzjoni jew tar-riassigurazzjoni, fejn neċessarju sabiex tiġi ffaċilitata r-riżoluzzjoni tal-impriża tal-assigurazzjoni jew tar-riassigurazzjoni u sabiex jiġi evitat li l-applikazzjoni ta' għodod ta' riżoluzzjoni u l-eżerċizzju tas-setgħat ta' riżoluzzjoni jkollhom effett avvers fuq il-parti mhux finanzjarja tal-grupp.