Artikolu 19 Kundizzjonijiet għal riżoluzzjoni

(a)

l-awtorità superviżorja, wara li tkun ikkonsultat lill-awtorità ta' riżoluzzjoni, jew l-awtorità ta' riżoluzzjoni, wara li tkun ikkonsultat lill-awtorità superviżorja, tkun iddeterminat li l-impriża tal-assigurazzjoni jew tar-riassigurazzjoni qed tfalli jew x'aktarx li tfalli;

(b)

ma jkun hemm l-ebda prospett raġonevoli li kwalunkwe miżura alternattiva tas-settur privat jew azzjoni superviżorja, inkluż miżuri preventivi u korrettivi, ser jipprevjenu l-falliment tal-impriża f'perjodu ta' żmien raġonevoli;

(c)

tkun neċessarja azzjoni ta' riżoluzzjoni fl-interess pubbliku.

(a)

l-impriża tal-assigurazzjoni jew tar-riassigurazzjoni tkun qed tikser jew x'aktarx li tkun qed tikser ir-Rekwiżit Kapitali Minimu msemmi fit-Titolu I, il-Kapitolu VI, it-Taqsima 5, tad-Direttiva 2009/138/KE u ma jkun hemm l-ebda prospett raġonevoli li tiġi rrestawrata l-konformità;

(b)

l-impriża tal-assigurazzjoni jew tar-riassigurazzjoni ma tibqax tissodisfa l-kundizzjonijiet għall-awtorizzazzjoni jew tonqos serjament fl-obbligi tagħha skont il-liġijiet u r-regolamenti li tkun soġġetta għalihom, jew ikun hemm elementi oġġettivi li jappoġġaw li l-impriża, fil-futur qarib, ser tonqos serjament milli tissodisfa l-obbligi tagħha b'mod li jkun jiġġustifika l-irtirar tal-awtorizzazzjoni;

(c)

l-assi tal-impriża tal-assigurazzjoni jew tar-riassigurazzjoni huma jew hemm elementi oġġettivi biex jappoġġaw id-determinazzjoni li l-assi tal-impriża ser ikunu, fil-futur qarib, inqas mill-obbligazzjonijiet tagħha;

(d)

l-impriża tal-assigurazzjoni jew tar-riassigurazzjoni ma tkunx tista' tħallas id-djun tagħha jew obbligazzjonijiet oħrajn, inklużi pagamenti lid-detenturi ta' poloz jew lill-benefiċjarji, kif ikunu dovuti, jew ikun hemm elementi oġġettivi li jappoġġaw determinazzjoni li l-impriża, fil-futur qrib, ser tkun f'tali sitwazzjoni;

(e)

tkun meħtieġa għajnuna finanzjarja pubblika straordinarja.