Artikolu 23 3

(a)

tipprovdi informazzjoni biex tittieħed deċiżjoni dwar l-azzjoni ta' riżoluzzjoni adatta li għandha tittieħed;

(b)

tiżgura li kwalunkwe telf ta' dik l-entità jkun rikonoxxut b'mod sħiħ fil-mument li jiġu applikati l-għodod ta' riżoluzzjoni;

(c)

tipprovdi informazzjoni sabiex tittieħed id-deċiżjoni dwar il-firxa tal-kanċellazzjoni jew tad-dilwizzjoni tal-istrumenti ta' sjieda;

(d)

tipprovdi informazzjoni sabiex tittieħed id-deċiżjoni dwar il-firxa tal-valwazzjoni negattiva jew tal-konverżjoni ta' kwalunkwe obbligazzjoni mhux garantita, inkluż l-istrumenti tad-dejn;

(e)

meta tiġi applikata l-għodda ta' impriża tranżitorja, tipprovdi informazzjoni sabiex tittieħed id-deċiżjoni dwar l-assi, l-obbligazzjonijiet, id-drittijiet u l-obbligi jew l-istrumenti ta' sjieda li jistgħu jiġu ttrasferiti lill-impriża tranżitorja, u tipprovdi informazzjoni għad-deċiżjoni dwar il-valur ta' kwalunkwe korrispettiv li jista' jitħallas lill-impriża taħt riżoluzzjoni jew, fejn ikun rilevanti, lid-detenturi tal-istrumenti ta' sjieda;

(f)

meta tiġi applikata l-għodda ta' bejgħ ta' negozju, tipprovdi informazzjoni sabiex tittieħed id-deċiżjoni dwar l-assi, l-obbligazzjonijiet, id-drittijiet u l-obbligi jew l-istrumenti ta' sjieda li jistgħu jiġu ttrasferiti lill-akkwirent terz u tgħin lill-awtorità ta' riżoluzzjoni tifhem x'jikkostitwixxi termini kummerċjali għall-finijiet tal-Artikolu 31.