1. L-Istati Membri għandhom jiżguraw li l-awtoritajiet ta' riżoluzzjoni jkunu jistgħu japplikaw l-għodda ta' valwazzjoni negattiva jew ta' konverżjoni sabiex jilħqu l-objettivi ta' riżoluzzjoni għal kwalunkwe wieħed mill-finijiet li ġejjin:
|
(a)
|
għar-rikapitalizzazzjoni ta' entità kif imsemmija fl-Artikolu 1(1), il-punti (a) sa (e), li tissodisfa l-kundizzjonijiet għar-riżoluzzjoni msemmijin fl-Artikolu 19(1) u l-Artikolu 20(3) sa punt biżżejjed sabiex tiġi applikata l-għodda ta' run-off solventi u sabiex tinżamm l-awtorizzazzjoni tagħha skont id-Direttiva 2009/138/KE;
|
|
(b)
|
għall-konverżjoni f'ekwità jew għat-tnaqqis tal-ammont ta' kapital ta' klejms, li jinkludu klejms lill-assigurazzjoni jew strumenti ta' dejn li jiġu ttrasferiti:
|
(i)
|
lil impriża tranżitorja; jew
|
|
(ii)
|
taħt l-għodda ta' separazzjoni tal-assi u tal-obbligazzjonijiet jew l-għodda ta' bejgħ ta' negozju.
|
|
Meta japplikaw l-għodda ta' valwazzjoni negattiva jew ta' konverżjoni għall-klejms lill-assigurazzjoni, l-awtoritajiet ta' riżoluzzjoni jistgħu wkoll jirristrutturaw it-termini tal-kuntratti tal-assigurazzjoni relatati sabiex jilħqu l-objettivi ta' riżoluzzjoni b'mod aktar effettiv. Meta jagħmlu dan, l-awtoritajiet ta' riżoluzzjoni għandhom iqisu l-impatt fuq l-interess kollettiv tad-detenturi ta' poloz.