Artikolu 35 8

(a)

ma jkunx possibbli li ssir valwazzjoni negattiva jew konverżjoni ta' dik l-obbligazzjoni fi żmien raġonevoli, minkejja sforzi bona fide tal-awtorità ta' riżoluzzjoni;

(b)

l-esklużjoni tkun strettament neċessarja u proporzjonata sabiex tinkiseb il-kontinwità tal-funzjonijiet kritiċi u tal-linji ta' negozju ewlenin b'mod li tinżamm l-abbiltà tal-impriża taħt riżoluzzjoni li tkompli bl-operazzjonijiet, bis-servizzi u bit-tranżazzjonijiet ewlenin;

(c)

l-esklużjoni tkun strettament neċessarja u proporzjonata sabiex jiġi evitat li jinħoloq kontaġju mifrux, b'mod li jista' jikkawża disturb serju għall-ekonomija ta' Stat Membru jew tal-Unjoni;

(d)

l-applikazzjoni tal-għodda ta' valwazzjoni negattiva jew ta' konverżjoni għal dawk l-obbligazzjonijiet tkun tikkawża qerda fil-valur b'mod li t-telf imġarrab minn kredituri oħrajn ikun ogħla milli kieku dawk l-obbligazzjonijiet jiġu esklużi mill-applikazzjoni tal-għodda ta' valwazzjoni negattiva jew ta' konverżjoni; jew

(e)

l-esklużjoni hija strettament meħtieġa u proporzjonata biex jiġi żgurat li partijiet terzi jiġu kkumpensati għall-korrimenti personali u l-ħsara tagħhom koperti minn kuntratti tal-assigurazzjoni relatati ma' obbligazzjonijiet ta' partijiet terzi fejn tali kuntratti jkunu obbligatorji skont il-liġi applikabbli.