Artikolu 38 Dispożizzjonijiet addizzjonali li jirregolaw l-għodda ta' valwazzjoni negattiva jew ta' konverżjoni

(a)

l-elementi tal-Grad 1 jitnaqqsu l-ewwel, fi proporzjon mat-telf u sal-punt tal-kapaċità tagħhom u l-awtorità ta' riżoluzzjoni tieħu waħda mill-azzjonijiet speċifikati fl-Artikolu 36(1), jew it-tnejn li huma, fir-rigward tad-detenturi ta' strumenti tal-Grad 1;

(b)

l-ammont ta' kapital ta' strumenti tal-Grad 2 issirlu valwazzjoni negattiva jew jiġi kkonvertit fi strumenti tal-Grad 1 jew it-tnejn li huma, sal-punt meħtieġ sabiex jintlaħqu l-objettivi ta' riżoluzzjoni jew sal-punt tal-kapaċità tal-istrumenti ta' kapital rilevanti, skont liema minnhom ikun l-aktar baxx;

(c)

l-ammont ta' kapital ta' strumenti tal-Grad 3 issirlu valwazzjoni negattiva jew jiġi kkonvertit fi strumenti tal-Grad 1 jew it-tnejn li huma, sal-punt meħtieġ sabiex jintlaħqu l-objettivi ta' riżoluzzjoni jew sal-punt tal-kapaċità tal-istrumenti ta' kapital rilevanti, skont liema minnhom ikun l-aktar baxx;

(d)

l-ammont ta' kapital jew l-ammont pendenti pagabbli fir-rigward tal-bqija tal-obbligazzjonijiet eliġibbli f'konformità mal-ġerarkija tal-klejms fi proċedimenti normali ta' insolvenza, inkluż il-klassifikazzjoni tal-klejms lill-assigurazzjoni prevista fl-Artikolu 275(1) tad-Direttiva 2009/138/KE, jiġi valwat negattivament jew ikkonvertit fi strumenti tal-Grad 1 jew it-tnejn, sal-punt meħtieġ sabiex jintlaħqu l-objettivi ta' riżoluzzjoni.

(a)

it-tnaqqis li jirriżulta mill-applikazzjoni tal-għodda ta' valwazzjoni negattiva jew ta' konverżjoni għandu jkun permanenti, soġġett għal kwalunkwe valwazzjoni pożittiva f'konformità mal-mekkaniżmu ta' rimborż imsemmi fil-paragrafu 1;

(b)

l-ebda obbligazzjoni lejn id-detentur tal-istrument kapitali, tal-istrument ta' dejn jew ta' obbligazzjoni eliġibbli oħra rilevanti ma għandha tibqa' taħt jew marbuta ma' dak l-ammont tal-istrument, li jkun ġie valwat negattivament, ħlief għal kwalunkwe obbligazzjoni diġà dovuta, u kwalunkwe obbligazzjoni għal danni li jistgħu jinħolqu bħala riżultat ta' appell li jikkontesta l-legalità tal-eżerċizzju tas-setgħa ta' valwazzjoni negattiva;

(c)

ma għandu jitħallas l-ebda kumpens lil kwalunkwe detentur tal-istrument kapitali, tal-istrument ta' dejn jew ta' obbligazzjoni eliġibbli oħra rilevanti minbarra f'konformità mal-paragrafu 3.

(a)

l-istrumenti tal-Grad 1 jinħarġu mill-impriża tal-assigurazzjoni jew tar-riassigurazzjoni, mill-entità msemmija fl-Artikolu 1(1), il-punti (b) sa (e), jew mill-impriża prinċipali bil-qbil tal-awtorità ta' riżoluzzjoni rilevanti;

(b)

l-istrumenti tal-Grad 1 jinħarġu qabel kwalunkwe ħruġ ta' ishma jew ta' strumenti ta' sjieda oħrajn minn dik l-entità msemmija fl-Artikolu 1(1), il-punti (a) sa (e), għall-finijiet tal-għoti ta' fondi proprji mill-Istat jew minn entità governattiva;

(c)

l-istrumenti tal-Grad 1 jingħataw u jiġu ttrasferiti mingħajr dewmien wara l-eżerċizzju tas-setgħa ta' konverżjoni;

(d)

ir-rata ta' konverżjoni li tiddetermina l-għadd ta' strumenti tal-Grad 1 li huma pprovduti fir-rigward ta' kull strument kapitali, strument ta' dejn jew obbligazzjoni eliġibbli oħra rilevanti tikkonforma mal-Artikolu 37.