Artikolu 46 Setgħa li jiġu infurzati miżuri għall-ġestjoni ta' kriżijiet minn Stati Membri oħrajn

1.   L-Istati Membri għandhom jiżguraw li, fejn trasferiment ta' ishma, strumenti ta' sjieda oħrajn, jew ta' assi, ta' drittijiet jew ta' obbligazzjonijiet jinkludi assi li jinsabu fi Stat Membru differenti mill-Istat Membru tal-awtorità ta' riżoluzzjoni, jew jinkludi drittijiet jew obbligazzjonijiet skont il-liġi ta' Stat Membru differenti mill-Istat Membru tal-awtorità ta' riżoluzzjoni, it-trasferiment ikollu effett f'dak l-Istat Membru l-ieħor, jew skont il-liġi tiegħu.

2.   L-Istati Membri għandhom jipprovdu lill-awtorità ta' riżoluzzjoni li tkun għamlet, jew biħsiebha tagħmel, it-trasferiment, bl-assistenza raġonevoli kollha sabiex jiżguraw li l-istrumenti ta' sjieda jew assi, drittijiet jew obbligazzjonijiet jiġu ttrasferiti lir-riċevitur f'konformità ma' kwalunkwe rekwiżit applikabbli tal-liġi nazzjonali.

3.   L-Istati Membri għandhom jiżguraw li l-azzjonisti, il-kredituri u l-partijiet terzi affettwati bi trasferiment ta' ishma, ta' strumenti ta' sjieda oħrajn, ta' assi, ta' drittijiet jew ta' obbligazzjonijiet kif imsemmijin fil-paragrafu 1, ma jkunux intitolati li jipprevjenu, jikkontestaw, jew jannullaw it-trasferiment taħt kwalunkwe dispożizzjoni tal-liġi tal-Istat Membru fejn ikunu jinsabu l-assi jew tal-liġi li tirregola strumenti ta' sjieda oħrajn, id-drittijiet jew l-obbligazzjonijiet.

4.   L-Istati Membri għandhom jiżguraw li jitnaqqas l-ammont ta' kapital ta' strumenti kapitali, ta' strumenti ta' dejn jew ta' obbligazzjonijiet eliġibbli oħrajn, jew li tali obbligazzjonijiet jew strumenti jiġu kkonvertiti, f'konformità mal-eżerċizzju tas-setgħat ta' valwazzjoni negattiva jew ta' konverżjoni minn awtorità ta' riżoluzzjoni ta' Stat Membru ieħor għal impriża taħt riżoluzzjoni, fejn l-obbligazzjonijiet jew l-istrumenti rilevanti:

5.   L-Istati Membri għandhom jiżguraw li l-azzjonisti u l-kredituri li jkunu affettwati mill-eżerċizzju ta' valwazzjoni negattiva jew ta' konverżjoni msemmi fil-paragrafu 4 ma jkunux intitolati jikkontestaw it-tnaqqis tal-ammont ta' kapital tal-istrument jew tal-obbligazzjonijiet jew il-konverżjoni tiegħu, skont il-każ, taħt kwalunkwe dispożizzjoni tal-liġi tal-Istat Membru għajr tal-Istat Membru tal-awtorità ta' riżoluzzjoni li tkun eżerċitat is-setgħat ta' valwazzjoni negattiva jew ta' konverżjoni.

6.   Kull Stat Membru għandu jiżgura li dawn kollha li ġejjin jiġu ddeterminati f'konformità mad-dritt tal-Istat Membru tal-awtorità ta' riżoluzzjoni: