2. Dawn li ġejjin għandhom ikunu membri tal-kulleġġ ta' riżoluzzjoni:
|
(a)
|
l-awtorità ta' riżoluzzjoni fil-livell tal-grupp;
|
|
(b)
|
l-awtoritajiet ta' riżoluzzjoni ta' kull Stat Membru li fih tkun stabbilita impriża sussidjarja koperta b'superviżjoni tal-grupp;
|
|
(c)
|
l-awtoritajiet ta' riżoluzzjoni tal-Istati Membri fejn tkun stabbilita impriża prinċipali ta' impriża waħda jew aktar tal-grupp li tkun entità kif imsemmija fl-Artikolu 1(1), il-punti (b), (d) jew (e);
|
|
(d)
|
is-superviżur tal-grupp u l-awtoritajiet superviżorji tal-Istati Membru fejn l-awtorità ta' riżoluzzjoni tkun membru fil-kulleġġ ta' riżoluzzjoni;
|
|
(e)
|
il-ministeri kompetenti, fejn l-awtoritajiet ta' riżoluzzjoni li huma membri tal-kulleġġ ta' riżoluzzjoni ma jkunux il-ministeri kompetenti;
|
|
(f)
|
fejn rilevanti, l-awtorità li hija responsabbli għall-iskema ta' garanzija tal-assigurazzjoni ta' Stat Membru, fejn l-awtorità ta' riżoluzzjoni ta' dak l-Istat Membru tkun membru tal-kulleġġ ta' riżoluzzjoni;
|
|
(g)
|
l-EIOPA, soġġetta għat-tieni subparagrafu;
|
|
(h)
|
l-awtoritajiet ta' riżoluzzjoni fl-Istati Membri fejn l-impriżi tal-assigurazzjoni jew tar-riassigurazzjoni tal-grupp iwettqu attivitajiet transfruntiera sinifikanti.
|
Għall-finijiet tal-ewwel subparagrafu, il-punt (g), l-EIOPA għandha tikkontribwixxi għall-promozzjoni u għall-monitoraġġ tal-funzjonament effiċjenti, effettiv u konsistenti tal-kulleġġi ta' riżoluzzjoni u għall-konverġenza fil-kulleġġi ta' riżoluzzjoni. L-EIOPA għandha tkun mistiedna tattendi għal-laqgħat tal-kulleġġ ta' riżoluzzjoni għal dak l-għan. L-EIOPA ma għandu jkollha l-ebda dritt tal-vot.
Għall-finijiet tal-ewwel subparagrafu, il-punt (h), il-parteċipazzjoni tal-awtoritajiet ta' riżoluzzjoni għandha tkun limitata għall-ilħuq tal-objettivi ta' skambju effiċjenti ta' informazzjoni.