Artikolu 73 Riżoluzzjoni ta' grupp li tinvolvi impriża sussidjarja tal-grupp

1.   Awtorità ta' riżoluzzjoni għandha tinnotifika l-informazzjoni elenkata fil-paragrafu 2 mingħajr dewmien lill-awtorità ta' riżoluzzjoni fil-livell tal-grupp, jekk differenti, lis-superviżur tal-grupp, u lill-membri tal-kulleġġ ta' riżoluzzjoni kkonċernat fejn:

2.   L-informazzjoni li għandha tiġi nnotifikata skont il-paragrafu 1 għandha tkun din li ġejja:

3.   Malli tirċievi n-notifika msemmija fil-paragrafu 1, l-awtorità ta' riżoluzzjoni fil-livell tal-grupp, wara li tkun ikkonsultat lill-membri l-oħrajn tal-kulleġġ ta' riżoluzzjoni kkonċernat, għandha tivvaluta l-impatt probabbli tal-azzjonijiet ta' riżoluzzjoni jew ta' miżuri oħrajn notifikati skont il-paragrafu 2, il-punt (c), fuq il-grupp u fuq l-entitajiet fi grupp fi Stati Membri oħrajn, u jekk l-azzjonijiet ta' riżoluzzjoni jew miżuri oħrajn jagħmluhiex probabbli li jiġu ssodisfati l-kundizzjonijiet għar-riżoluzzjoni msemmijin fl-Artikolu 19(1) jew fl-Artikolu 20(3) fir-rigward ta' entità fi grupp fi Stat Membru ieħor.

4.   Meta l-awtorità ta' riżoluzzjoni fil-livell tal-grupp tivvaluta li l-azzjonijiet ta' riżoluzzjoni jew miżuri oħrajn notifikati skont il-paragrafu 2, il-punt (c), ma jagħmluhiex probabbli li l-kundizzjonijiet stabbiliti fl-Artikolu 19(1) jew fl-Artikolu 20(3) jiġu ssodisfati fir-rigward ta' entità fi grupp fi Stat Membru ieħor, l-awtorità ta' riżoluzzjoni responsabbli għall-entità msemmija fl-Artikolu 1(1), il-punti (a) sa (e), tista' tieħu l-azzjonijiet ta' riżoluzzjoni jew miżuri oħrajn li hija nnotifikat.

5.   Meta l-awtorità ta' riżoluzzjoni fil-livell tal-grupp tivvaluta li l-azzjonijiet ta' riżoluzzjoni jew miżuri oħrajn notifikati skont il-paragrafu 2, il-punt (c), jagħmluha probabbli li l-kundizzjonijiet stabbiliti fl-Artikolu 19(1) jew fl-Artikolu 20(3) jiġu ssodisfati fir-rigward ta' entità fi grupp fi Stat Membru ieħor, l-awtorità ta' riżoluzzjoni fil-livell tal-grupp għandha, wara li tirċievi n-notifika msemmija fil-paragrafu 1, tipproponi skema ta' riżoluzzjoni ta' grupp fi żmien ħamest ijiem u tippreżenta dik l-iskema lill-kulleġġ ta' riżoluzzjoni. Dak il-perjodu ta' ħamest ijiem jista' jiġi estiż bil-kunsens tal-awtorità ta' riżoluzzjoni li tkun għamlet in-notifika.

6.   Fin-nuqqas ta' valutazzjoni mill-awtorità ta' riżoluzzjoni fil-livell tal-grupp fi żmien ħamest ijiem, jew perjodu itwal ta' żmien li jkun intlaħaq ftehim dwaru, wara li tkun rċeviet in-notifika msemmija fil-paragrafu 1, l-awtorità ta' riżoluzzjoni li tkun għamlet in-notifika tista' twettaq l-azzjonijiet ta' riżoluzzjoni jew miżuri oħrajn li tkun innotifikat.

7.   L-iskema ta' riżoluzzjoni ta' grupp imsemmija fil-paragrafu 5 għandha:

8.   Soġġett għall-paragrafu 9, l-iskema ta' riżoluzzjoni ta' grupp għandha tieħu l-forma ta' deċiżjoni konġunta tal-awtorità ta' riżoluzzjoni fil-livell tal-grupp u l-awtoritajiet ta' riżoluzzjoni responsabbli għall-impriżi sussidjarji li huma koperti mill-iskema ta' riżoluzzjoni ta' grupp.

L-EIOPA tista', fuq talba tal-awtorità ta' riżoluzzjoni, tgħin lill-awtoritajiet ta' riżoluzzjoni jilħqu deċiżjoni konġunta f'konformità mal-Artikolu 31(2), il-punt (c), tar-Regolament (UE) Nru 1094/2010.

9.   Awtorità ta' riżoluzzjoni li ma taqbilx mal-iskema ta' riżoluzzjoni ta' grupp proposta mill-awtorità ta' riżoluzzjoni fil-livell tal-grupp jew li tqis li, għal raġunijiet ta' protezzjoni tal-interessi kollettivi tad-detenturi ta' poloz, tal-ekonomija reali u tal-istabbiltà finanzjarja, jeħtieġ li tieħu azzjonijiet ta' riżoluzzjoni jew miżuri indipendenti minbarra dawk proposti fl-iskema ta' riżoluzzjoni ta' grupp fir-rigward ta' entità msemmija fl-Artikolu 1(1), il-punti (a) sa (e), għandha:

Meta tagħti r-raġunijiet għan-nuqqas ta' qbil tagħha, l-awtorità ta' riżoluzzjoni għandha tqis il-pjanijiet ta' riżoluzzjoni ta' grupp, l-impatt potenzjali tal-azzjonijiet jew tal-miżuri ta' riżoluzzjoni li ser tieħu fuq id-detenturi ta' poloz, fuq l-ekonomija reali u fuq l-istabbiltà finanzjarja fl-Istati Membri kkonċernati, u l-effett potenzjali ta' dawk l-azzjonijiet jew il-miżuri ta' riżoluzzjoni fuq partijiet oħrajn tal-grupp.

10.   L-awtoritajiet ta' riżoluzzjoni li jaqblu mal-iskema ta' riżoluzzjoni ta' grupp proposta mill-awtorità ta' riżoluzzjoni fil-livell tal-grupp jistgħu jilħqu deċiżjoni konġunta dwar skema ta' riżoluzzjoni ta' grupp li tkopri l-entitajiet fi grupp fl-Istati Membri ta' dawk l-awtoritajiet ta' riżoluzzjoni mingħajr il-parteċipazzjoni tal-awtoritajiet ta' riżoluzzjoni li ma jaqblux.

11.   Id-deċiżjonijiet konġunti msemmijin fil-paragrafi 8 u 10 u l-azzjonijiet jew il-miżuri ta' riżoluzzjoni meħudin f'konformità mal-paragrafu 9 għandhom jiġu rikonoxxuti bħala konklużivi u applikati mill-awtoritajiet ta' riżoluzzjoni fl-Istati Membri kkonċernati.

12.   L-awtoritajiet ta' riżoluzzjoni għandhom jieħdu l-azzjonijiet u l-miżuri kollha ta' riżoluzzjoni msemmijin f'dan l-Artikolu mingħajr dewmien, u b'kunsiderazzjoni xierqa għall-urġenza tas-sitwazzjoni.

13.   Meta ma tiġix implimentata skema ta' riżoluzzjoni ta' grupp, l-awtoritajiet ta' riżoluzzjoni, meta jieħdu azzjonijiet ta' riżoluzzjoni relatati ma' kwalunkwe entità fi grupp, għandhom jikkooperaw mill-qrib fil-kulleġġ ta' riżoluzzjoni bil-ħsieb li jwettqu strateġija ta' riżoluzzjoni koordinata għall-entitajiet kollha fi grupp li jkunu qed ifallu jew li aktarx ser ifallu.

14.   L-awtoritajiet ta' riżoluzzjoni li jieħdu kwalunkwe azzjoni ta' riżoluzzjoni fir-rigward ta' kwalunkwe entità fi grupp għandhom jinformaw lill-membri tal-kulleġġ ta' riżoluzzjoni b'mod regolari u komplet dwar dawk l-azzjonijiet jew il-miżuri u l-progress li jkunu qed jagħmlu.