Artikolu 19 Inkorporazzjoni b’referenza

Informazzjoni li għandha tiġi inkluża fi prospett skont dan ir-Regolament u l-atti delegati adottati abbażi tiegħu, tista’ tiġi inkorporata b’referenza f’dak il-prospett meta tkun ġiet ippubblikata elettronikament qabel jew simultanjament, tkun imfassla b’lingwa li tissodisfa r-rekwiżiti tal-Artikolu 27 u meta tkun tinsab f’wieħed mid-dokumenti li ġejjin:

▼B

▼M5

▼B

Tali informazzjoni għandha tkun dik l-iktar reċenti disponibbli għall-emittent.

Fejn ċerti partijiet biss ta’ dokument ikunu inkorporati b’referenza, għandha tiddaħħal dikjarazzjoni fil-prospett li l-partijiet mhux inkorporati jew mhumiex rilevanti għall-investitur jew huma koperti xi mkien ieħor fil-prospett.

L-informazzjoni li ma għandhiex tiġi inkluża fi prospett xorta tista’ tiġi inkorporata b’referenza f’dak il-prospett fuq bażi volontarja, meta tkun ġiet ippubblikata elettronikament qabel jew simultanjament, titfassal b’lingwa li tissodisfa r-rekwiżiti tal-Artikolu 27 u meta tkun tinsab f’wieħed mid-dokumenti msemmijin fil-paragrafu 1, l-ewwel subparagrafu.

Emittent, offerent jew persuna li titlob l-ammissjoni għan-negozjar f’suq regolat ma għandhiex tkun meħtieġa tippubblika suppliment skont l-Artikolu 23(1) għal informazzjoni finanzjarja annwali jew interim ġdida ppubblikata meta prospett bażi ikun għadu validu skont l-Artikolu 12(1). Meta dik l-informazzjoni finanzjarja annwali jew interim ġdida tiġi ppubblikata elettronikament, tista’ tiġi inkorporata b’referenza fil-prospett bażi f’konformità mal-paragrafu (1), il-punt (d), ta’ dan l-Artikolu. Madankollu, emittent, offerent jew persuna li titlob l-ammissjoni għan-negozjar f’suq regolat għandha tkun intitolata tippubblika volontarjament suppliment għal tali informazzjoni.

Meta tiġi inkorporata l-informazzjoni b’referenza, l-emittenti, l-offerenti jew il-persuni li jitolbu l-ammissjoni għall-kummerċ f’suq regolat għandhom jiżguraw l-aċċessibbiltà tal-informazzjoni. B’mod partikolari, għandha tiġi pprovduta lista ta’ kontroreferenza fil-prospett sabiex tgħin lill-investituri jidentifikaw faċilment punti speċifiċi ta’ informazzjoni, u l-prospett għandu jkun fih hyperlinks għad-dokumenti kollha li jinkludu informazzjoni li hija inkorporata b’referenza.

Fejn possibbli flimkien mal-ewwel abbozz tal-prospett ippreżentat lill-awtorità kompetenti, u fi kwalunkwe każ matul il-proċess tar-reviżjoni tal-prospett, l-emittent, l-offerent jew il-persuna li titlob l-ammissjoni għall-kummerċ f’suq regolat għandhom jissottomettu, f'format li bih tista’ titfittex elettronikament, kwalunkwe informazzjoni li tkun inkorporata b’referenza fil-prospett, sakemm informazzjoni bħal din ma tkunx diġà ġiet approvata jew iddepożitata mal-awtorità kompetenti li tapprova l-prospett.

L-ESMA tista', jew meta l-Kummissjoni titlob dan, għandha, tiżviluppa abbozz ta’ standards tekniċi regolatorji biex taġġorna l-lista ta’ dokument stabbiliti fil-paragrafu 1 ta’ dan l-Artikolu bl-inklużjoni ta’ tipi addizzjonali ta’ dokumenti meħtieġa skont id-dritt tal-Unjoni li jridu jiġu ddepożitati mal-awtorità pubblika jew approvati minnha.

Is-setgħa hija ddelegata lill-Kummissjoni biex tadotta l-istandards tekniċi regolatorji msemmijin fl-ewwel subparagrafu ta’ dan il-paragrafu f'konformità mal-Artikoli 10 sa 14 tar-Regolament (UE) Nru 1095/2010.