Airteagal 19 Corprú de réir tagairtí

Aon fhaisnéis a chuimseofar i réamheolaire de bhun an Rialacháin seo agus de bhun na ngníomhartha tarmligthe arna nglacadh ar bhonn an Rialacháin seo, féadfar í a chorprú trí thagairt sa réamheolaire sin i gcás inar foilsíodh an fhaisnéis sin go leictreonach cheana nó ina bhfoilsítear go leictreonach í an tráth céanna, arna tarraingt suas i dteanga a chomhlíonann ceanglais Airteagalo27 agus i gcás ina bhfuil sí cuimsithe i gceann de na doiciméid seo a leanas:

▼B

▼M5

▼B

Is í an fhaisnéis is déanaí atá ar fáil don eisitheoir a bheidh san fhaisnéis sin.

I gcás nach ndéantar ach codanna áirithe de dhoiciméad a chorprú de réir tagairtí, cuirfear ráiteas isteach sa réamheolaire á rá nach bhfuil na codanna neamhchorpraithe ábhartha don infheisteoir nó go gclúdaítear i gcuid eile den réamheolaire iad.

Féadfar faisnéis nach bhfuil le háireamh i réamheolaire a chorprú trí thagairt sa réamheolaire sin ar bhonn deonach fós, i gcás inar foilsíodh an fhaisnéis sin go leictreonach cheana nó ina bhfoilsítear go leictreonach í an tráth céanna, arna tarraingt suas i dteanga a chomhlíonann ceanglais Airteagal 27 agus i gcás ina gcuimsítear í i gceann de na doiciméid dá dtagraítear i mír 1, an chéad fhomhír.

Ní cheanglófar ar eisitheoir, ar thairgeoir ná ar dhuine atá ag iarraidh go ligfí isteach iad chun trádála ar mhargadh rialáilte forlíonadh a fhoilsiú de bhun Airteagal 23(1) le haghaidh na faisnéise airgeadais bliantúla nó eatramhaí nuair atá réamheolaire bunaidh fós bailí de bhun Airteagal 12(1). I gcás ina bhfoilsítear an fhaisnéis airgeadais nua bhliantúil nó eatramhach sin go leictreonach, féadfar í a chorprú trí thagairt a dhéanamh sa réamheolaire bunaidh i gcomhréir le mír (1), pointe (d), den Airteagal seo. Mar sin féin, beidh eisitheoir, tairgeoir nó duine a iarrann go ligfí isteach urrúis chun a dtrádála ar mhargadh rialáilte, beidh sé i dteideal forlíonadh ar an bhfaisnéis sin a fhoilsiú dá dheoin féin.

Agus faisnéis á corprú de réir tagairtí, déanfaidh na heisitheoirí, na tairgeoirí nó na daoine atá ag iarraidh go ligfí urrúis isteach chun a dtrádála ar mhargadh rialáilte a áirithiú go mbeidh teacht éasca ar an bhfaisnéis sin. Go háirithe, cuirfear liosta crostagartha isteach sa réamheolaire le go mbeidh infheisteoirí in ann míreanna sonracha faisnéise a aithint go héasca, agus beidh hipearnaisc ann chuig na doiciméid uile ina bhfuil faisnéis a corpraíodh de réir tagairtí.

I gcás inar féidir, déanfaidh an t-eisitheoir, an tairgeoir nó an duine atá ag iarraidh go ligfí urrúis isteach chun a dtrádála ar mhargadh rialáilte aon fhaisnéis a corpraíodh sa réamheolaire de réir tagairtí a chur isteach i bhformáid leictreonach inchuardaithe, san am céanna leis an gcéad dréacht den réamheolaire a cuireadh chuig an údarás inniúil, agus go cinnte le linn phróiseas athbhreithnithe an réamheolaire, ach amháin má rinne an t-údarás inniúil a bhfuil air an réamheolaire a fhormheas an fhaisnéis sin a fhormheas cheana nó má comhdaíodh í leis an údarás sin cheana.

Féadfaidh ÚEUM, nó sa chás ina n-iarrfaidh an Coimisiún amhlaidh, déanfaidh ÚEUM dréachtchaighdeáin theicniúla rialála a fhorbairt chun an liosta doiciméad a leagtar amach i mír 1 den Airteagal seo a nuashonrú trí chineálacha eile doiciméad a áireamh ann, ar doiciméid iad a cheanglaítear faoi dhlí an Aontais atá le comhdú le húdarás poiblí nó le bheith formheasta aige.

Déantar an chumhacht a tharmligean chuig an gCoimisiún na dréachtchaighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1095/2010.