Artikolu 98 Diliġenza dovuta

jivvaluta l-qafas regolatorju u ġuridiku, inkluż ir-riskju tal-pajjiż, ir-riskju tal-kustodja u l-infurzabbiltà tal-kuntratti mal-parti terza. Dik il-valutazzjoni għandha b’mod partikolari tippermetti li d-depożitarju jiddetermina l-implikazzjoni potenzjali ta’ insolvenza tal-parti terza għall-assi u d-drittijiet tal-AIF. Jekk depożitarju jsir konxju li s-segregazzjoni tal-assi mhijiex biżżejjed biex tkun żgurata l-protezzjoni minn insolvenza minħabba l-liġi tal-pajjiż fejn tinsab il-parti terzi, huwa għandu jinforma minnufih lill-AIFM;

jivvaluta jekk il-prassi, il-proċeduri u l-kontrolli interni tal-parti terza humiex adegwati sabiex jiżguraw li l-istrumenti finanzjarji tal-AIF jew tal-AIFM li jaġixxi f’isem l-AIF igawdu standard għoli ta’ attenzjoni u protezzjoni;

jivvaluta jekk is-saħħa finanzjarja u r-reputazzjoni tal-parti terza humiex konsistenti mal-kompiti delegati. Dik il-valutazzjoni għandha tkun ibbażata fuq informazzjoni pprovduta mill-parti terza potenzjali kif ukoll dejta u informazzjoni oħra, fejn disponibbli.

jiżgura li l-parti terza għandha l-kapaċitajiet operazzjonali u teknoloġiċi biex twettaq il-kompiti delegati tal-kustodja b’livell sodisfaċenti ta’ protezzjoni u sigurtà.

garanzija tad-dritt tad-depożitarju għall-informazzjoni, l-ispezzjoni, u l-aċċess għal rekords u kontijiet rilevanti tat-terza persuna li tippossjedi assi f'kustodja sabiex id-depożitarju jkun jista' jwettaq is-sorveljanza u l-obbligi tad-diliġenza dovuta u b'mod partikolari jkun jista':

dettalji ta' drittijiet u obbligi ekwivalenti miftiehma bejn il-parti terza u parti terza oħra, f'każ ta' delega ulterjuri ta' funzjonijiet ta' kustodja.

jimmonitorja l-prestazzjoni tal-parti terza u l-konformità tagħha mal-istandards tad-depożitarju;

jiżgura li l-parti terza teżerċita standard għoli ta’ attenzjoni, prudenza u diliġenza fit-twettiq tal-kompiti tagħha ta’ kustodja u partikolarment li effettivament tissegrega l-istrumenti finanzjajri f’konformità mar-rekwiżiti tal-Artikolu 99;

janalizza r-riskji tal-kustodja assoċjati mad-deċiżjoni li jiġu fdati assi għand il-parti terza u mingħajr dewmien jinnotifika lill-AIF jew lill-AIFM bi kwalunkwe bidla f’dawk ir-riskji. Dik il-valutazzjoni għandha tkun ibbażata fuq informazzjoni pprovduta mill-parti terza kif ukoll fuq dejta u informazzjoni oħra, fejn disponibbli. Matul taqlib fis-suq jew meta jiġi identifikat riskju, il-frekwenza u l-ambitu tal-analiżi għandhom jiżdiedu. Jekk id-depożitarju jsir konxju li s-segregazzjoni tal-assi ma għadhiex biżżejjed biex tkun żgurata l-protezzjoni minn insolvenza minħabba l-liġi tal-pajjiż fejn tinsab il-parti terzi, huwa għandu jinforma minnufih lill-AIFM.