+Artikolu 13 Obbligu biex id-data ta’ qabel in-negozjar u wara n-negozjar tkun disponibbli fuq bażi kummerċjali raġonevoli
---+Artikolu 13 1.
---+Artikolu 13 2.
---+Artikolu 13 3.
---+Artikolu 13 4.
---+Artikolu 13 5.
|
Artikolu 13 Obbligu biex id-data ta’ qabel in-negozjar u wara n-negozjar tkun disponibbli fuq bażi kummerċjali raġonevoli
1. Ħarsa ġenerali
| Titlu |
Regolamentazzjoni |
|
Artikolu 13 1.
|
L-operaturi tas-suq u d-ditti tal-investiment li joperaw ċentru ta’ negozjar, l-APAs, is-CTPs u l-internalizzaturi sistematiċi għandhom ipoġġu għad-dispożizzjoni tal-pubbliku l-informazzjoni ppubblikata f’konformità mal-Artikoli 3, 4 u 6 sa 11a, 14, 20, 21, 27g u 27h, fuq bażi kummerċjali raġonevoli, inklużi termini kuntrattwali imparzjali u ġusti. Dawk l-operaturi tas-suq u d-ditti tal-investiment, l-APAs, is-CTPs u l-internalizzaturi sistematiċi għandhom jiżguraw aċċess nondiskriminatorju għal tali informazzjoni. Il-politiki tad-data ta’ dawk l-operaturi tas-suq u d-ditti tal-investiment, l-APAs, is-CTPs u l-internalizzaturi sistematiċi għandhom ikunu disponibbli għall-pubbliku mingħajr ħlas b’mod li jkun faċli li jinftiehem u li jiġi aċċessat.
|
|
Artikolu 13 2.
|
L-operaturi tas-suq u d-ditti tal-investiment li joperaw ċentru ta’ negozjar, l-APAs u l-internalizzaturi sistematiċi għandhom jagħmlu disponibbli għall-pubbliku l-informazzjoni msemmija fil-paragrafu 1 mingħajr ħlas 15-il minuta wara l-pubblikazzjoni f’format li jinqara mill-magni u li jista’ jintuża mill-utenti kollha, inklużi l-investituri tal-bejgħ bl-imnut.
|
|
Artikolu 13 3.
|
Il-bażi kummerċjali raġonevoli għandha tinkludi l-livell ta’ tariffi u termini kuntrattwali oħra. Il-livell ta’ tariffi għandu jiġi ddeterminat mill-kost tal-produzzjoni u t-tixrid tal-informazzjoni msemmija fil-paragrafu 1 u marġni raġonevoli.
|
|
Artikolu 13 4.
|
L-operaturi tas-suq u d-ditti ta’ investiment li joperaw ċentru ta’ negozjar, l-APAs, is-CTPs u l-internalizzaturi sistematiċi għandhom, fuq talba, jipprovdu lill-awtoritajiet kompetenti tagħhom b’informazzjoni dwar il-kostijiet reali tal-produzzjoni u t-tixrid tal-informazzjoni msemmija fil-paragrafu 1, inkluż marġni raġonevoli.
|
|
Artikolu 13 5.
|
L-ESMA għandha tiżviluppa abbozz ta’ standards tekniċi regolatorji li jispeċfikaw:
(a)
x’jikkostitwixxi termini kuntrattwali imparzjali u ġusti kif imsemmi fil-paragrafu 1, l-ewwel subparagrafu;
(b)
x’jikkostitwixxi aċċess nondiskriminatorju għall-informazzjoni kif imsemmi fil-paragrafu 1, it-tieni subparagrafu;
(c)
il-kontenut, il-format u t-terminoloġija uniformi tal-politiki tad-data li għandhom isiru disponibbli għall-pubbliku skont il-paragrafu 1, it-tieni subparagrafu;
(d)
l-aċċess għad-data, u l-kontenut u l-format tal-informazzjoni li għandha ssir disponibbli għall-pubbliku skont il-paragrafu 1;
(e)
l-elementi li għandhom jiġu inklużi fil-kalkolu tal-kost u marġni raġonevoli kif imsemmi fil-paragrafu 3;
(f)
il-kontenut uniformi, il-format u t-terminoloġija tal-informazzjoni li għandha tiġi pprovduta lill-awtoritajiet kompetenti skont il-paragrafu 4.
L-ESMA għandha, kull sentejn, timmonitorja u tivvaluta l-iżviluppi fil-kost tad-data u għandha, fejn xieraq, taġġorna dawk l-abbozzi ta’ standards tekniċi regolatorji abbażi tal-valutazzjoni tagħha. L-ESMA għandha tippreżenta l-abbozz ta’ standards tekniċi regolatorji msemmi fl-ewwel subparagrafu lill-Kummissjoni sad-29 ta’ Diċembru 2024. Il-Kummissjoni hija delegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel u fit-tieni subparagrafu f’konformità mal-Artikoli 10 sa 14 tar-Regolament (UE) Nru 1095/2010.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 23.11.2025 00:00:00 -Doknr: CELEX:32014R0600
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|