+Artikolu 32a Sospensjoni awtonoma tal-obbligu ta’ negozjar
---+Artikolu 32a 1.
---+Artikolu 32a 2.
---+Artikolu 32a 3.
---+Artikolu 32a 4.
---+Artikolu 32a 5.
---+Artikolu 32a 6.
|
Artikolu 32a Sospensjoni awtonoma tal-obbligu ta’ negozjar
1. Ħarsa ġenerali
| Titlu |
Regolamentazzjoni |
|
Artikolu 32a 1.
|
Fuq talba tal-awtorità kompetenti ta’ Stat Membru, il-Kummissjoni tista’, permezz ta’ att ta’ implimentazzjoni, tissospendi l-obbligu ta’ negozjar stabbilit fl-Artikolu 28 (l-“obbligu ta’ negozjar tad-derivattivi”) fir-rigward ta’ ċerti kontropartijiet finanzjarji, fejn xieraq wara li tkun ikkonsultat mal-ESMA. L-awtorità kompetenti għandha tindika għaliex tqis li l-kundizzjonijiet għal sospensjoni huma ssodisfati. B’mod partikolari, l-awtorità kompetenti għandha turi li kontroparti finanzjarja fil-ġurisdizzjoni tagħha:
(a)
taġixxi regolarment bħala ġeneratur tas-suq f’derivattiv OTC soġġett għall-obbligu ta’ negozjar tad-derivattivi u tirċievi regolarment talbiet għal kwotazzjoni għad-derivattivi li jkunu soġġetti għall-obbligu ta’ negozjar tad-derivattivi minn kontroparti mhux taż-ŻEE li ma jkollha l-ebda sħubija attiva f’ċentru ta’ negozjar taż-ŻEE li joffri negozjar tad-derivattiv OTC soġġett għall-obbligu ta’ negozjar tad-derivattivi; jew
(b)
taġixxi regolarment bħala ġeneratur tas-suq fi swap ta’ inadempjenza ta’ kreditu li jkun soġġett għall-obbligu ta’ negozjar tad-derivattivi u:
(i)
ikollha l-intenzjoni li tinnegozja swaps ta’ inadempjenza ta’ kreditu soġġetti għall-obbligu ta’ negozjar tad-derivattivi akkont proprju f’ċentru ta’ negozjar miftuħ biss għal kontropartijiet li huma membri tal-ikklerjar tas-CCP kif definit fl-Artikolu 2, il-punt (14), tar-Regolament (UE) Nru 648/2012 (ċentru “negozjant għal negozjant”);
(ii)
ikollha l-intenzjoni li tinnegozja swaps ta’ inadempjenza ta’ kreditu soġġetti għall-obbligu ta’ negozjar tad-derivattivi akkont proprju ma’ kontroparti li tkun ġeneratur tas-suq u li ma jkollha l-ebda sħubija attiva f’ċentru taż-ŻEE minn negozjant għal negozjant li joffri negozjar tad-derivattivi OTC soġġetti għall-obbligu ta’ negozjar tad-derivattivi; u
(iii)
tikklerja dawk l-iswaps ta’ inadempjenza ta’ kreditu f’CCP awtorizzat jew rikonoxxut skont ir-Regolament (UE) Nru 648/2012.
L-att ta’ implimentazzjoni msemmi fl-ewwel subparagrafu ta’ dan il-paragrafu għandu jiġi adottat f’konformità mal-proċedura ta’ eżami msemmija fl-Artikolu 51.
|
|
Artikolu 32a 2.
|
Meta tivvaluta jekk tissospendix l-obbligu ta’ negozjar tad-derivattivi skont il-paragrafu 1, il-Kummissjoni għandha tieħu inkunsiderazzjoni jekk tissospendihx għall-swieq speċifiċi biss, u għandha tieħu inkunsiderazzjoni jekk din is-sospensjoni tal-obbligu ta’ negozjar tad-derivattivi jkollhiex effett distorsiv fuq l-obbligu tal-ikklerjar skont it-Titolu II tar-Regolament (UE) Nru 648/2012. Il-Kummissjoni għandha tikkuntattja wkoll awtoritajiet kompetenti oħra ta’ Stati Membri oħra biex tivvaluta jekk kontropartijiet finanzjarji fi Stati Membri li ma jkunux dawk li jagħmlu t-talba, skont il-paragrafu 1 (“l-Istat Membru li jagħmel it-talba”), ikunux f’sitwazzjoni simili għal dik fl-Istat Membru li jagħmel it-talba. L-awtorità kompetenti tal-Istat Membru għajr l-Istat Membru li jagħmel it-talba tista’, wara l-adozzjoni tal-att ta’ implimentazzjoni msemmi fil-paragrafu 1, titlob li kontropartijiet finanzjarji li jkunu f’sitwazzjoni simili għal dik fl-Istat Membru li jagħmel it-talba jiżdiedu mal-att ta’ implimentazzjoni. L-awtorità kompetenti tal-Istat Membru li jagħmel dik it-talba għandha turi għaliex tqis li l-kundizzjonijiet għal sospensjoni jkunu ssodisfati.
|
|
Artikolu 32a 3.
|
Meta l-obbligu ta’ negozjar tad-derivattivi jiġi sospiż skont il-paragrafu 1 jew 2 fir-rigward ta’ kontroparti finanzjarja, l-obbligu ta’ negozjar tad-derivattivi m’għandux japplika fir-rigward tal-kontroparti tagħha, kif imsemmi fil-paragrafu 1, il-punt (a), jew il-paragrafu 1, il-punt (b)(ii).
|
|
Artikolu 32a 4.
|
L-att ta’ implimentazzjoni msemmi fil-paragrafu 1 għandu jkun akkumpanjat mill-evidenza preżentata mill-awtorità kompetenti li titlob is-sospensjoni.
|
|
Artikolu 32a 5.
|
L-att ta’ implimentazzjoni msemmi fil-paragrafu 1 għandu jiġi kkomunikat lill-ESMA u għandu jiġi ppubblikat fir-reġistru msemmi fl-Artikolu 34.
|
|
Artikolu 32a 6.
|
Il-Kummissjoni għandha tirrieżamina regolarment jekk ir-raġunijiet għas-sospensjoni tal-obbligu ta’ negozjar tad-derivattivi jkunux għadhom japplikaw.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 23.11.2025 00:00:00 -Doknr: CELEX:32014R0600
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|