|
+Artikolu 22c 20. |
Artikolu 22c 20.L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi jipprovdu, fuq bażi annwali, lill-awtoritajiet kompetenti l-informazzjoni msemmija fil-paragrafu 18, il-punti (a) u (b), inkluż l-informazzjoni rilevanti msemmija fil-paragrafu 18, il-punt (a), mitluba, fuq bażi annwali, mill-produtturi ta’ prodotti tat-tessuti, prodotti relatati mat-tessuti jew prodotti ta’ xedd is-saqajn elenkati fl-Anness IVc li jkunu tqiegħdu fis-suq għall-ewwel darba. L-Istati Membri għandhom jiżguraw li l-organizzazzjonijiet b’kompetenza fil-qasam tar-responsabbiltà tal-produtturi jispeċifikaw il-kwantità skont il-piż fir-rigward tal-informazzjoni msemmija fil-paragrafu 18, il-punt (a), il-punti (iii), (iv) u (v). B’deroga mill-ewwel subparagrafu ta’ dan il-paragrafu, l-Istati Membri għandhom jirrikjedu li, fir-rigward tal-produtturi li huma intrapriżi li jimpjegaw inqas minn għaxar persuni u li l-fatturat annwali u l-karta tal-bilanċ annwali tagħhom ma jaqbżux EUR 2 miljun, l-organizzazzjonijiet b’kompetenza fil-qasam tar-responsabbiltà tal-produtturi jitolbu lil dawk l-intrapriżi jissottomettu biss, fuq bażi annwali, l-informazzjoni elenkata fil-paragrafu 18, il-punt (a), il-punt (i). Il-Kummissjoni għandha temenda d-Deċiżjonijiet ta’ Implimentazzjoni tal-Kummissjoni (UE) 2019/1004 ( 19 ) u (UE) 2021/19 ( 20 ) biex f’konformità mal-Artikolu 37(7) ta’ din id-Direttiva jinkludu l-informazzjoni msemmija fl-ewwel subparagrafu. L-atti ta’ implimentazzjoni emendati għandhom jindirizzaw:
(a)
l-informazzjoni dwar l-iskedi ta’ rapportar;
(b)
l-ispeċifikazzjonijiet għall-istruttura u l-format tar-rapportar tad-data sabiex jiġu żgurati l-uniformità, il-konsistenza, u l-faċilità tal-konsolidazzjoni tad-data għall-organizzazzjonijiet b’kompetenza fil-qasam tar-responsabbiltà tal-produtturi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 39(2). 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|