|
Sustanzi li jnaqqsu s-saff tal-ożonu
|
Sustanzi kkontrollati definiti fl-Artikolu 1(4) tal-Protokoll ta’ Montreal dwar sustanzi li jnaqqsu s-saff tal-ożonu, 1987, elenkati fl-Annessi A, B, C jew E għal dak il-Protokoll fis-seħħ imsemmi fiż-żmien tal-applikazzjoni jew interpretazzjoni ta’ dan l-Anness.
Sustanzi li jnaqqsu s-saff tal-ożonu li jistgħu jinstabu abbord bastiment, iżda mhumiex limitati għal:
Alon 1211 Bromoklorodifluworometan
Alon 1301 Bromotrifluworometan
Alon 2402 1,2-Dibromo-1,1,2,2-tetrafluworoetani (magħruf ukoll bħala Alon 114B2)
CFC-11 Triklorofluworometan
CFC-12 Diklorodifluworometan
CFC-113 1,1,2-Trikloro-1,2,2-trifluworoetan
CFC-114 1,2-Dikloro-1,1,2,2-tetrafluworoetan
CFC-115 Kloropentafluworoetan
|
Installazzjonijiet ġodda li fihom sustanzi li jnaqqsu s-saff tal-ożonu għandhom ikunu pprojbiti fuq il-bastimenti kollha.
|
|
Poliklorobifenil (PCB)
|
“Poliklorobifenil” ifisser komposti aromatiċi ffurmati b’mod li l-atomi tal-idroġenu fuq il-molekula tal-bifenil (żewġ ċrieki benżen magħquda flimkien minn rabta tal-karbonju-karbonju) jistgħu jinbidlu minn sa għaxar atomi tal-klorin
|
Għall-bastimenti kollha, installazzjoni ġdida ta’ materjali li fihom il-Poliklorobifenil għandha tkun projbita.
|
|
Aċidu sulfoniku tal-perfluworooktan(PFOS) (1)
|
“Aċidu sulfoniku tal-perluworooktan” (PFOS) ifisser aċidu sulfoniku tal-perluworooktan u d-derivati tiegħu
|
Installazzjonijiet ġodda li fihom l-aċidu sulfoniku tal-perluworooktan (PFOS) u d-derivati tiegħu għandhom ikunu projbiti f’konformità mar-Regolament (KE) Nru 850/2004 tal-Parlament Ewropew u tal-Kunsill (2).
|
|
Komposti anti-fouling u sistemi
|
Komposti anti-fouling u sistemi rregolati skont l-Anness I għall-Konvenzjoni Internazzjonali dwar il-Kontroll ta’ Sistemi Anti-fouling Perikolużi fuq Bastimenti, 2001 (il-Konvenzjoni AFS) fis-seħħ fiż-żmien tal-applikazzjoni jew l-interpretazzjoni ta’ dan l-Anness.
|
1. L-ebda bastiment ma jista’ japplika sistemi anti-fouling li fihom komposti ta’ organotin bħala bijoċidu jew kwalunkwe sistema anti-fouling oħra li l-applikazzjoni jew l-użu tagħhom huwa pprojbit mill-Konvenzjoni AFS.
2. L-ebda bastiment ġdid jew installazzjonijiet ġodda fuq bastimenti m’għandhom japplikaw jew jużaw komposti anti-fouling jew sistemi b’mod inkonsistenti mal-Konvenzjoni AFS.
|