Artikolu 31a Bażi tad-data tal-Unjoni

Meta jkun xieraq għall-finijiet tat-titjib tat-traċċabbiltà tad-data tul il-katina tal-provvista kollha, il-Kummissjoni għandha s-setgħa li tadotta atti delegati f’konformità mal-Artikolu 35 biex tissuplimenta din id-Direttive billi testendi ulterjorment il-firxa tad-data li għandha tiġi inkluża fil-bażi tad-data tal-Unjoni biex tkopri data rilevanti mill-punt tal-produzzjoni jew tal-ġbir tal-materja prima użata għall-produzzjoni tal-karburant.

L-Istati Membri għandhom jesiġu li l-fornituri tal-karburanti jdaħħlu d-data meħtieġa biex jivverifikaw il-konformità mar-rekwiżiti stabbiliti fl-Artikolu 25(1), l-ewwel subparagrafu, fil-bażi tad-data tal-Unjoni.

Minkejja l-ewwel, it-tieni u t-tielet subparagrafi, għal karburanti gassużi injettati fl-infrastruttura interkonnessa tal-gass tal-Unjoni, l-operaturi ekonomiċi għandhom, fil-każ li l-Istat Membru jiddeċiedi li jikkumplimenta is-sistema ta’ bilanċ tal-massa b’sistema ta’ garanziji tal-oriġini, idaħħlu fil-bażi tad-data tal-Unjoni data dwar it-tranżazzjonijiet li jkunu saru u l-karatteristiċi relatati mas-sostenibbiltà u data rilevanti oħra, bħall-emissjonijiet ta’ gassijiet serra tal-karburanti sal-istadju ta’ injezzjoni fl-infrastruttura interkonnessa tal-gass.

Tali skemi volontarji jew nazzjonali jistgħu jużaw sistemi ta’ data ta’ partijiet terzi bħala intermedjarji biex jiġbru d-data, dment li tali użu jkun ġie nnotifikat lill-Kummissjoni.

Kull Stat Membru jista’ juża bażitad-data nazzjonali diġà eżistenti allinjati mal-bażi tad-data tal-Unjoni u konnessi magħha permezz ta’ interfaċċa, jew jistabbilixxi bażi tad-data nazzjonali li tista’ tintuża mill-operaturi ekonomiċi bħala għodda għall-ġbir u għad-dikjarazzjoni tad-data u għad-dħul u t-trasferiment ta’ dik id-data fil-bażi tad-data tal-Unjoni, dment li:

L-Istati Membri jistgħu jistabbilixxu l-bażijiet tad-data nazzjonali tagħhom skont il-liġi jew il-prattika nazzjonali, pereżempju biex iqisu rekwiżiti nazzjonali aktar stretti, fir-rigward ta’ kriterji ta’ sostenibbiltà. Dawn il-bażijiet tad-data ma għandhomx ifixklu t-traċċabbiltà ġenerali tal-kunsinni sostenibbli ta’ materja prima jew karburanti li għandhom jiddaħħlu fil-bażi tad-data tal-Unjoni skont din id-Direttiva.

Il-verifika tal-kwalità tad-data mdaħħla fil-bażi tad-data tal-Unjoni permezz tal-bażijiet tad-data nazzjonali, il-karatteristiċi tas-sostenibbiltà tal-karburanti relatati ma’ dik id-data, u l-approvazzjoni finali tat-tranżazzjonijiet għandhom jitwettqu biss permezz tal-bażi tad-data tal-Unjoni. Il-preċiżjoni u l-kompletezza ta’ dik id-data għandhom jiġu vverifikati f’konformità mar-Regolament ta’ Implimentazzjoni tal-Kummissjoni (UE) 2022/996 ( 27 ). Huma jistgħu jiġu vverifikati mill-korpi taċ-ċertifikazzjoni.

L-Istati Membri għandhom jinnotifikaw il-karatteristiċi dettaljati tal-bażi tad-data nazzjonali tagħhom lill-Kummissjoni. Wara dik in-notifika, il-Kummissjoni għandha tivvaluta jekk il-bażi tad-data nazzjonali tikkonformax mar-rekwiżiti stipulati fit-tielet subparagrafu. Jekk dan ma jkunx il-każ, il-Kummissjoni tista’ titlob lill-Istati Membri jieħdu l-passi xierqa biex jiżguraw il-konformità ma’ dawk ir-rekwiżiti.