1. Biex tiżgura applikazzjoni konsistenti tal-Artikoli 5 u 6, il-Kummissjoni għandha, wara li tikkonsulta mal-BEREC, tadotta atti ta’ implimentazzjoni li jistabbilixxu regoli dettaljati dwar dan li ġej:
|
(a)
|
l-applikazzjoni ta’ politiki ta’ użu ġust;
|
|
(b)
|
il-metodoloġija għall-valutazzjoni tas-sostenibbiltà tal-forniment ta’ servizzi tar-roaming bl-imnut bi prezzijiet domestiċi; u
|
|
(c)
|
l-applikazzjoni li jrid iressaq il-fornitur tar-roaming għall-finijiet tal-valutazzjoni msemmija fil-punt (b).
|
L-atti ta’ implimentazzjoni msemmija fl-ewwel subparagrafu ta’ dan il-paragrafu għandhom jiġu adottati skont il-proċedura ta’ eżami msemmija fl-Artikolu 20(2).
Il-Kummissjoni għandha, wara li tikkonsulta mal-BEREC, tirrieżamina l-atti ta’ implimentazzjoni msemmija fl-ewwel subparagrafu perjodikament fid-dawl tal-iżviluppi fis-suq.