Artikolu 2 Definizzjonijiet

“inġenju spazjali” tfisser inġenju spazjali kif definit fl-Artikolu 2, il-punt (1), tar-Regolament (UE) 2021/696;

“residwi spazjali” tfisser residwi spazjali kif definit fl-Artikolu 2, il-punt (4), tar-Regolament (UE) 2021/696;

“tagħbija utli” tfisser tagħmir li jinġarr minn inġenju spazjali għat-twettiq ta’ missjoni partikolari fl-ispazju;

“ekosistema spazjali” tfisser network ta’ impriżi li jinteraġixxu u li joperaw fi ktajjen tal-valur fis-settur spazjali, mill-iżgħar negozji ġodda sal-akbar impriża, li jinkludi s-segmenti upstream u downstream tas-suq spazjali;

“Infrastruttura Ewropea ta’ Komunikazzjoni Kwantistika” jew “EuroQCI” tfisser infrastruttura interkonnessa spazjali, tal-art u terrestri integrata fis-sistema ta’ konnettività sigura, bl-użu ta’ teknoloġija bbażata fuq il-kwantum;

“Ċentru ta’ GOVSATCOM” tfisser ċentru ta’ GOVSATCOM kif definit fl-Artikolu 2, il-punt (23), tar-Regolament (UE) 2021/696;

“l-Aġenzija” tfisser l-Aġenzija tal-Unjoni Ewropea għall-Programm Spazjali stabbilita bir-Regolament (UE) 2021/696;

“informazzjoni klassifikata tal-UE” jew “IKUE” tfisser informazzjoni klassifikata tal-UE jew IKUE kif definit fl-Artikolu 2, il-punt (25), tar-Regolament (UE) 2021/696;

“informazzjoni sensittiva mhux klassifikata” tfisser informazzjoni sensittiva mhux klassifikata kif definit fl-Artikolu 2, il-punt (26), tar-Regolament (UE) 2021/696;

“operazzjoni ta’ taħlit” tfisser operazzjoni ta’ taħlit kif definit fl-Artikolu 2, il-punt (27), tar-Regolament (UE) 2021/696.