Airteagal 2 Sainmhínithe

ciallaíonn “spásárthach” spásárthach mar a shainmhínítear in Airteagal 2, pointe (1), de Rialachán (AE) 2021/696;

ciallaíonn “smionagar spáis” smionagar spáis mar a shainmhínítear in Airteagal 2, pointe (4), de Rialachán (AE) 2021/696;

ciallaíonn “pálasta” trealamh a iompraíonn spásárthach chun misean áirithe sa spás a chur i gcrích;

ciallaíonn “éiceachóras spáis” líonra gnóthas atá ag idirghníomhú le chéile i slabhraí luacha in earnáil an spáis, ó na gnólachtaí nuathionscanta is lú go dtí na gnóthais is mó, lena gcuimsítear deighleoga réamhtheachtacha agus iartheachtacha an mhargaidh spáis;

ciallaíonn “Bonneagar Cumarsáide Candamaí na hEorpa” nó “EuroQCI” bonneagar idirnasctha spáis ar talamh agus trastíre atá comhtháite leis an gcóras nascachta sláine agus a úsáideann teicneolaíocht chandam-bhunaithe;

ciallaíonn “Mol GOVSATCOM” mol GOVSATCOM mar a shainmhínítear in Airteagal 2, pointe (23), de Rialachán (AE) 2021/696;

ciallaíonn “an Ghníomhaireacht” Gníomhaireacht an Aontais Eorpaigh um an gClár Spáis a bunaíodh le Rialachán (AE) 2021/696;

ciallaíonn “faisnéis rúnaicmithe AE” nó “FRAE” faisnéis rúnaicmithe AE nó FRAE arna sainiú in Airteagal 2, pointe (25), de Rialachán (AE) 2021/696;

ciallaíonn “faisnéis neamh-rúnaicmithe íogair” faisnéis neamh-rúnaicmithe íogair arna sainiú in Airteagal 2, pointe (26), de Rialachán (AE) 2021/696;

ciallaíonn “oibríocht mheasctha” oibríocht mheasctha arna sainiú in Airteagal 2, pointe (27), de Rialachán (AE) Uimh. 2021/696.