Artikolu 3 Objettivi tal-programm

(a)

jiġu żgurati l-forniment u d-disponibbiltà fit-tul fi ħdan it-territorju tal-Unjoni u madwar id-dinja ta’ aċċess mingħajr interruzzjoni għal servizzi tal-komunikazzjoni governattivi satellitari li jkunu siguri, awtonomi, ta’ kwalità għolja, affidabbli u kosteffettivi għall-utenti awtorizzati mill-gvernijiet, billi tiġi stabbilita sistema ta’ konnettività sigura u multiorbitali taħt kontroll ċivili u billi tiġi appoġġata l-protezzjoni ta’ infrastrutturi kritiċi, fis-sens tad-Direttiva tal-Kunsill 2008/114/KE (27), l-għarfien tas-sitwazzjoni, l-azzjonijiet esterni, il-ġestjoni tal-kriżijiet u l-applikazzjonijiet li huma kritiċi għall-ekonomija, l-ambjent, is-sigurtà u d-difiża, u b’hekk jiżdiedu r-reżiljenza u l-awtonomija tal-Unjoni u tal-Istati Membri, u tiġi msaħħa l-bażi teknoloġika u industrijali tal-komunikazzjoni satellitari tagħhom, filwaqt li tiġi evitata dipendenza eċċessiva fuq soluzzjonijiet ibbażati mhux fl-Unjoni, b’mod partikolari għal infrastrutturi kritiċi u l-aċċess għall-ispazju;

(b)

jiffaċilitaw il-forniment ta’ servizzi kummerċjali, jew servizzi offruti lil utenti awtorizzati mill-gvernijiet bbażati fuq infrastruttura kummerċjali bil-kondizzjonijiet tas-suq, mis-settur privat f’konformità mad-dritt applikabbli tal-Unjoni dwar il-kompetizzjoni, sabiex jiġi ffaċilitat, fost l-oħrajn, l-iżvilupp ulterjuri ta’ broadband b’veloċità għolja madwar id-dinja, u konnettività bla xkiel kif ukoll it-tneħħija ta’ żoni mejta għall-komunikazzjoni u ż-żieda tal-koeżjoni fit-territorji tal-Istati Membri, filwaqt li jitnaqqas id-distakk diġitali u jingħata kontribut, fejn applikabbli, għall-objettivi ġenerali msemmija fl-Artikolu 3 tad-Direttiva (UE) 2018/1972.

(a)

jikkomplementa u jintegra l-kapaċitajiet eżistenti u futuri tal-komponent ta’ GOVSATCOM fis-sistema ta’ konnettività sigura;

(b)

itejjeb ir-reżiljenza, is-sigurtà u l-awtonomija tas-servizzi ta’ komunikazzjoni tal-Unjoni u tal-Istati Membri;

(c)

jiżviluppa aktar u jintegra gradwalment l-EuroQCI fis-sistema ta’ konnettività sigura;

(d)

jiżgura d-dritt tal-użu ta’ slots orbitali u frekwenzi rilevanti;

(e)

iżid ir-robustezza tas-servizzi ta’ komunikazzjoni tal-Unjoni u tal-Istati Membri u r-reżiljenza ċibernetika tal-Unjoni, billi jiżviluppa ridondanza, protezzjoni ċibernetika passiva, proattiva u reattiva u miżuri operazzjonali ta’ ċibersigurtà u protettivi kontra t-theddid ċibernetiku u miżuri oħra kontra t-theddid elettromanjetiku;

(f)

jiffaċilita, fejn possibbli, l-iżvilupp ta’ servizzi ta’ komunikazzjoni u servizzi addizzjonali mhux ta’ komunikazzjoni, b’mod partikolari billi jtejjeb il-komponenti tal-Programm Spazjali tal-Unjoni, joħloq sinerġiji bejniethom u jespandi l-kapaċitajiet u s-servizzi tagħhom, kif ukoll l-iżvilupp ta’ servizzi mhux ta’ komunikazzjoni li għandhom jiġu pprovduti lill-Istati Membri, billi jospita subsistemi satellitari addizzjonali, inkluż tagħbijiet utli;

(g)

jinkoraġġixxi l-innovazzjoni, l-effiċjenza, kif ukoll l-iżvilupp u l-użu ta’ teknoloġiji fixkiela u mudelli ta’ negozju innovattivi fl-ekosistema spazjali Ewropea kollha kemm hi, inkluż atturi ta’ Spazju Ġdid, parteċipanti ġodda, negozji ġodda u SMEs, sabiex tissaħħaħ il-kompetittività tas-settur spazjali tal-Unjoni;

(h)

ittejjeb il-konnettività sigura fuq żoni ġeografiċi ta’ interess strateġiku, bħall-Afrika u l-Artiku kif ukoll il-Baltiku, il-Baħar l-Iswed, ir-reġjuni tal-Mediterran u l-Atlantiku;

(i)

itejjeb is-sikurezza u s-sostenibbiltà tal-attivitajiet fl-ispazju ekstratmosferiku, billi jimplimenta miżuri xierqa biex jiżgura u jippromwovi mġieba responsabbli fl-ispazju meta jimplimenta l-Programm, inkluż billi jfittex li jipprevjeni l-proliferazzjoni tar-residwi spazjali.