Artikolu 10 Portafoll tas-servizzi għal servizzi governattivi

1.   Il-portafoll tas-servizzi għas-servizzi governattivi għandu jiġi stabbilit f’konformità mal-paragrafu 4 ta’ dan l-Artikolu. Dan għandu jikkonsisti tal-anqas mill-kategoriji ta’ servizzi li ġejjin u għandu jikkomplementa l-portafoll tas-servizzi ta’ GOVSATCOM imsemmija fl-Artikolu 63(3) tar-Regolament (UE) 2021/696:

2.   Il-portafoll tas-servizzi għal servizzi governattivi għandu jinkludi wkoll servizzi lil utenti awtorizzati mill-gvernijiet ibbażati fuq l-infrastruttura kummerċjali, bħal servizz assigurat madwar id-dinja b’latenza baxxa jew servizz narrowband madwar id-dinja.

3.   Il-portafoll tas-servizzi għas-servizzi governattivi għandu jinkludi wkoll l-ispeċifikazzjonijiet tekniċi għal kull kategorija ta’ servizz, bħall-kopertura ġeografika, il-frekwenza, il-wisa’ tal-banda, it-tagħmir tal-utent u l-karatteristiċi ta’ sigurtà.

4.   Il-Kummissjoni għandha tadotta, permezz ta’ atti ta’ implimentazzjoni, il-portafoll tas-servizzi għas-servizzi governattivi. Dawk l-atti ta’ implimentazzjoni għandhom ikunu bbażati fuq ir-rekwiżiti operazzjonali msemmija fil-paragrafu 5 ta’ dan l-Artikolu, fuq input mill-Istati Membri u fuq ir-rekwiżiti ġenerali ta’ sigurtà msemmija fl-Artikolu 30(3).

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 47(3).

5.   Il-Kummissjoni għandha tadotta, permezz ta’ atti ta’ implimentazzjoni, ir-rekwiżiti operazzjonali għal servizzi governattivi, fl-għamla ta’ speċifikazzjonijiet tekniċi u pjanijiet ta’ implimentazzjoni, relatati b’mod partikolari mal-ġestjoni tal-kriżijiet, mal-għarfien tas-sitwazzjoni, mal-ġestjoni tal-infrastruttura ewlenija, inkluż in-networks tal-komunikazzjoni diplomatika u tad-difiża, u l-ħtiġijiet ta’ utenti awtorizzati mill-gvernijiet oħra. Dawk ir-rekwiżiti operazzjonali għandhom ikunu bbażati fuq ir-rekwiżiti tal-utenti tal-Programm, imfassla biex ikopru d-domanda konfermata, u għandhom iqisu r-rekwiżiti li jirriżultaw minn tagħmir u networks tal-utenti eżistenti u r-rekwiżiti operazzjonali għal servizzi ta’ GOVSATCOM adottati f’konformità mal-Artikolu 63(2) tar-Regolament (UE) 2021/696. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 47(3) ta’ dan ir-Regolament.

6.   It-termini u l-kondizzjonijiet għall-forniment ta’ servizzi, u r-riskji relatati, ipprovduti permezz tal-infrastruttura kummerċjali għandhom jiġu ddeterminati fil-kuntratti msemmija fl-Artikolu 19.