Artikolu 4 5.

F’każ ta’ emerġenza stabbilit b’mod validu, kif definit fl-Artikolu 3, il-punt (18), l-awtoritajiet kompetenti msemmija fil-paragrafu 1, il-punt (b), u fil-paragrafu 3, il-punt (b), ta’ dan l-Artikolu jistgħu b’mod eċċezzjonali joħorġu Ordni ta’ Produzzjoni Ewropea għad-data dwar l-abbonati jew għad-data mitluba għall-iskop uniku li jiġi identifikat l-utent kif definit fl-Artikolu 3, il-punt (10), jew Ordni ta’ Preservazzjoni Ewropea, mingħajr validazzjoni minn qabel tal-ordni kkonċernata, meta l-validazzjoni ma tkunx tista’ tinkiseb fil-ħin u meta dawk l-awtoritajiet ikunu jistgħu joħorġu ordni f’każ domestiku simili mingħajr validazzjoni minn qabel. L-awtorità emittenti għandha tfittex validazzjoni ex post tal-ordni kkonċernata mingħajr dewmien żejjed, mhux aktar tard minn 48 siegħa. Meta ma tingħatax tali validazzjoni ex post tal-ordni kkonċernata, l-awtorità emittenti għandha tirtira l-ordni immedjatament u għandha tħassar jew inkella tirrestrinġi l-użu ta’ kwalunkwe data li tkun inkisbet.