Artikolu 18
Għodod ta’ appoġġ u gwida
Il-Kummissjoni għandha tiżviluppa għodod ta’ monitoraġġ xierqa, kif ukoll għodod ta’ gwida u ta’ mmirar ibbażat fuq ir-riskju, biex tiffaċilita u tikkoordina l-attivitajiet ta’ verifika u ta’ infurzar relatati ma’ dan ir-Regolament. Sa fejn ikun prattikabbli, tali gwida u għodod għandhom ikunu disponibbli għall-Istati Membri, il-verifikaturi u l-korpi nazzjonali ta’ akkreditament għall-finijiet tal-kondiviżjoni tal-informazzjoni u sabiex jiġi żgurat aħjar l-infurzar robust ta’ dan ir-Regolament.