Artikolu 57 (2)

“(5)

‘ATM/ANS’ tfisser il-ġestjoni tat-traffiku tal-ajru kif definita fil-punt (9) tal-Artikolu 2 tar-Regolament (UE) 2024/2803 u s-servizzi tan-navigazzjoni bl-ajru kif definiti fil-punt (5) tal-Artikolu 2 ta’ dak ir-Regolament, kif ukoll il-funzjonijiet tan-network imsemmija fl-Artikolu 37 ta’ dak ir-Regolament u s-servizzi li jikkonsistu fl-oriġinazzjoni u l-ipproċessar ta’ data u fl-ifformattjar u l-forniment ta’ data lit-traffiku tal-ajru ġenerali għall-fini tan-navigazzjoni bl-ajru;”

“(33)

‘spazju tal-ajru tal-Ajru Uniku Ewropew’ tfisser spazju tal-ajru fuq it-territorju li għalih japplikaw it-Trattati, kif ukoll kwalunkwe spazju tal-ajru ieħor fejn l-Istati Membri japplikaw ir-Regolament (UE) 2024/2803 f’konformità mal-Artikolu 1(4) ta’ dak ir-Regolament;

(34)

‘awtorità kompetenti nazzjonali’ tfisser entità waħda jew aktar deżinjata minn Stat Membru u li jkollha s-setgħat meħtieġa u r-responsabbiltajiet allokati għat-twettiq tal-kompiti relatati maċ-ċertifikazzjoni, is-sorveljanza u l-infurzar f’konformità ma’ dan ir-Regolament u mal-atti delegati u ta’ implimentazzjoni adottati abbażi tiegħu”