2. L-Istati Membri għandhom jikkalkulaw il-piż tal-iskart mill-imballaġġ iġġenerat f'sena kalendarja partikolari. Il-kalkolu tal-iskart mill-imballaġġ iġġenerat fi Stat Membru għandu jkun eżawrjenti.
Il-metodoloġija għall-kalkolu tal-iskart mill-imballaġġ iġġenerat għandha tkun ibbażata fuq l-approċċi li ġejjin:
|
(a)
|
l-imballaġġ imqiegħed għad-dispożizzjoni fit-territorju ta' Stat Membru, jew spakkjat minn produttur mingħajr ma jkun utent finali, f'dik is-sena speċifika; jew
|
|
(b)
|
il-kwantità ta' skart mill-imballaġġ iġġenerat fl-istess sena f'dak l-Istat Membru.
|
Il-kalkoli mwettqin skont dan il-paragrafu għandhom jiġu aġġustati biex jiġu żgurati l-komparabbiltà, l-affidabbiltà u l-eżawrjenza tar-riżultati f'konformità mar-rekwiżiti u l-verifiki li għandhom jiġu stabbiliti mill-att ta' implimentazzjoni adottat skont l-Artikolu 56(7), il-punt (a).